బ్యూటీ కాంటెస్ట్ లో పిచ్చకొట్టుడు

న్యూయార్క్‌లోని స్టాటెన్ ఐలాండ్‌లో తొలిసారిగా జరిగిన మిస్ శ్రీలంక అందాల పోటీలో పలువురు ఘర్షణకు దిగారు. ఈ ఈవెంట్ కు సంబంధించి జరిగిన పార్టీలో జరిగిన ఒకరినొకరు కొట్టుకోవడం సోషల్ మీడియాలో వైరల్‌గా మారింది. 300 మందికి పైగా అతిథులు హాజరైన ఈ కార్యక్రమంలో పురుషులు, మహిళలు ఒకరిపై ఒకరు పిడిగుద్దులు కురిపించడాన్ని వీడియోలలో చూడవచ్చు. సౌత్ చైనా మార్నింగ్ పోస్ట్ ప్రకారం ఘర్షణకు కారణమేమిటనేది స్పష్టంగా తెలియలేదు.. ఈ గొడవల్లో కొంత ఆస్తి కూడా దెబ్బతింది. ఈ ఘర్షణకు సంబంధించి పోలీసులు పలువురిని అరెస్టు చేశారు. USకు వలస వచ్చిన శ్రీలంక వాసులతో కలిసి ఈ చారిటీ ప్రోగ్రాం ను ఏర్పాటు చేసి.. సహాయం చేయడానికి ఈ కార్యక్రమాన్ని స్టేట్ ఐలాండ్‌లో నిర్వహించాలని నిర్వాహకులు నిర్ణయించారు. అయితే14 మంది పోటీదారులలో ఎవరూ ఈ గొడవల్లో భాగం అవ్వలేదని న్యూయార్క్ పోస్ట్ తెలిపింది. సూట్ వేసుకున్న వ్యక్తులు ఒకరిపై మరొకరు పడి కొట్టుకోవడం వీడియోలలో చూడవచ్చు.. సెక్యూరిటీ సిబ్బంది వెంటనే కలగజేసుకుని.. పక్కకు వెళ్ళమని వారిని కోరుతూ కనిపించింది.