ప్రయాణంలో డబ్బు ఆదా చేసుకోండి! అద్భుతమైన చిట్కాలు

సోలో ట్రావెలింగ్ అంటే ఎవరికి ఇష్టం ఉండదు? కుటుంబం మరియు స్నేహితులతో ప్రయాణించడమే కాకుండా, చాలా మంది ఇప్పుడు ఒంటరిగా ప్రయాణించడానికి ఇష్టపడుతున్నారు. కొత్త వ్యక్తులను కలుసుకోవడం, కొత్త ప్రదేశాలను అన్వేషించడం చాలా బాగుంటుంది. కానీ ఒంటరిగా ప్రయాణించడంలో చాలా సమస్యలు ఉంటాయి. ఒంటరిగా ప్రయాణించేటప్పుడు ఎలా పొదుపు చేయాలో తెలుసుకుందాం. ప్రస్తుత కాలంలో ఫ్యాషన్, ఇతర లైఫ్‌ స్టైల్‌ విషయాలతో పాటు, ప్రయాణ విధానం కూడా మారిపోయింది. ఒకప్పుడు చాలా మంది కుటుంబ సమేతంగా విహారయాత్రలకు, పిక్నిక్‌లకు వెళ్లేవారు. అయితే ఇప్పుడు సోలో ట్రావెలింగ్‌కే ఎక్కువ ప్రాధాన్యత ఇస్తున్నారు. పుస్తకాలు, మన చుట్టూ ఉన్న వ్యక్తులు మరియు ప్రయాణం అనే మూడు విషయాల నుంచి మనం అనుభవాలను నేర్చుకుంటాము. వాస్తవానికి ప్రయాణం మన పక్షపాతాలను తొలగిస్తుంది. అలాగే పలు విషయాలపై మంచి దృక్పథాన్ని ఇస్తుంది.

అయితే మేము చెప్పే విషయాలు తక్కువ బడ్జెట్‌లో ప్రయాణించడానికి ఇష్టపడే ఒంటరి ప్రయాణికుల కోసం. ఒంటరిగా ఎక్కడికో వెళ్లి కొత్త వ్యక్తులను కలవడం, ఆ తర్వాత ముందుకు వెళ్లడం - ఇదంతా బాగానే ఉంది కానీ ఒంటరిగా ప్రయాణించేటప్పుడు చాలా సమస్యలను ఎదుర్కోవాల్సి వస్తుంది. కాబట్టి ప్రయాణాల్లో ఏయే విషయాలను గుర్తుంచుకోవాలో, డబ్బును ఎలా ఆదా చేసుకోవాలో తెలుసుకుందాం.

ఒంటరిగా ప్రయాణించేవారు ముందుగానే ప్లాన్ చేసుకోవడం చాలా ముఖ్యం. వారు ఎక్కడికి వెళ్లాలనుకున్నా, ముందుగా ప్రదేశం గురించి ముందుగానే తెలుసుకోండి. అక్కడ ఉండడానికి చౌకగా గదులు దొరుకుతాయా? ఆహారం ఖర్చు ఎంత? అక్కడికి చేరుకోవడానికి ఏ సాధనాలు ఉపయోగించబడతాయి.. ఛార్జీల ధర ఎంత? తదితర విషయాలను ముందుగానే తెలుసుకోవాలి.

మీరు ఒంటరిగా ప్రయాణం చేస్తున్నట్లయితే మీకు పగటిపూట ప్రయాణం చేయండి ఉత్తమం. ఎందుకంటే ప్రజా రవాణా పగటిపూట నడుస్తుంది. ఛార్జీలు చాలా తక్కువగా ఉంటాయి. చాలా ప్రజా రవాణా రాత్రిపూట నడవదు మరియు మీరు ఒక ప్రైవేట్ వాహనాన్ని బుక్ చేసుకోవాలి అనుకుంటే రాత్రులలో అధిక ఛార్జీలు ఉంటాయి. చాలా ఖరీదైనవి ఉంటాయి. ప్రభుత్వ బస్సుల్లో మాత్రమే ప్రయాణించేందుకు ప్రయత్నించండి.

యాత్రికుడు ఎక్కడికి వెళ్లినా అక్కడి ప్రజలతో కలసి మెలసి ఉండాలనే మంచి గుణం ఉండాలి. కొత్త వ్యక్తులను కలిసిన తర్వాత దోచుకోవడానికి అందరూ సిద్ధంగా ఉంటారు. కానీ అదే ఊరి వారితో కలిసి ఉంటే తక్కువ ఖర్చుతో సులభంగా ప్రయాణించవచ్చు. . ఎలాంటి భయం ఉండదు. మీ ఈ సంబంధం భవిష్యత్తులో కూడా ఉపయోగపడుతుంది.

మీరు ఒక నగరంలో ఉన్నట్లయితే, ఆ నగరంలో కాలి నడకన వెళ్లండి. అక్కడి మార్కెట్లు, వీధుల్లో కాలినడకన తిరగండి. దీనితో మీరు ఆ నగరాన్ని బాగా తెలుసుకుంటారు. డబ్బును కూడా ఆదా చేయగలుగుతారు. ఇదండీ... ఒంటరిగా ప్రయాణం చేసేవారికి మేము మీకు అందించే సలహాలు.