మీకు గోర్లు కొరికే అలవాటు ఉందా? ప్రమాదమే!

కొంతమంది జుట్టును పదేపదే తిప్పుతుంటారు. మరి కొందరు గోళ్లు కొరుకుతారు. కొందరు ఆత్రుతగా ఉన్నప్పుడు, ఏదో టెన్షన్‌లో ఉన్నప్పుడు గోర్లు కొరడం సాధారణం ఉంటుంది. దీనిని వైద్య శాస్త్రంలో ఒనికోఫాగియా అంటారు. 'గోరు కొరకడం సాధారణంగా బాల్యం, కౌమారదశలో ప్రారంభమవుతుంది' అని సెడార్స్-సినాయ్‌లో డాక్టర్ స్క్రీమిన్ చెబుతున్నారు.మీరు గోరు కొరికే పెద్దవారైతే, మీరు చిన్నతనంలోనే ఆ అలవాటును అలవాటు చేసుకునే అవకాశాలు మెండుగా ఉంటాయి. కానీ అలవాటును మానుకోవడానికి మంచి కారణాలు ఉన్నాయి.

అయితే ఈ గోర్లను కొరికే అలవాటు చాలా మందిలో ఉంటుంది. కొందరి అదే పనిగా పెట్టుకుని ప్రతి రోజు వారి చేతివేళ్ల గోర్లను కొరుకుతూనే ఉంటారు. గోళ్లు కొరకడం వల్ల అనేక రకాల ఇన్ఫెక్షన్లు వస్తాయని నిపుణులు చెబుతున్నారు. ఇలా చేయడం వల్ల జీర్ణాశయ సమస్యలు తలెత్తుతాయని, అంతేకాకుండా గోర్లు అందవిహీనంగా తయారై నలుగురిలో చేతి వేళ్లను చూపించలేని పరిస్థితి వస్తుందంటున్నారు.

గోర్లు కొరికేవారికి జలుబు, ఫ్లూ వచ్చే అవకాశం ఎక్కువగా ఉంటుంది. అన్నింటికంటే, మీ చేతులు బ్యాక్టీరియాతో నిండి ఉంటాయి. ముఖ్యంగా గోళ్ల కింద ఉండే బ్యాక్టీరియా మీ నోటిలోకి వెళ్లే అవకాశాలు ఉంటాయని డాక్టర్ స్క్రీమిన్ అంటున్నారు. గోరు కొరకడానికి స్పష్టమైన కారణాలు లేనప్పటికీ, వివిధ కారకాలు మీరు మీ వేలుగోళ్లను కొరికే అలవాటును పెంచుతాయి. జన్యుశాస్త్రం: తల్లిదండ్రులు తమ గోర్లు కొరికే అలవాటు ఉంటే వారి పిల్లలకు కూడా అలవాటు వచ్చే అవకాశాలు ఉంటాయి. గోరు కొరకడం అనేది ఆందోళన లేదా ఒత్తిడికి సంకేతం. అలాగే మీరు ఏదైనా సందర్భంలో విసుగు చెందినప్పుడు, ఆకలితో ఉన్నప్పుడు గోరు కొరకడం, జుట్టు తిప్పడం వంటి ప్రవర్తనలు సర్వసాధారణం. చాలా మందిలో వారికి తెలియకుండానే గోర్లను కొరడం ప్రారంభిస్తారని నిపుణులు చెబుతున్నారు. చాలా మందిలో ఎటువంటి మానసిక పరిస్థితులు లేకుండా ఈ అలవాటు వచ్చే అవకాశాలు ఉంటాయి.

గోరు కొరకడం అనేది ఆరోగ్యాన్ని దెబ్బతీస్తుంది. గోర్లను కొరడం వల్ల కాలక్రమేణా, బ్యాక్టీరియా గోరు చుట్టూ చర్మంలో పేరుకుపోతుంది. దీనివల్ల ఎరుపు, చికాకు మరియు వాపు వస్తుంది అని సెడార్స్-సినాయ్‌లోని చర్మ వ్యాధి నిపుణుడు డాక్టర్ జాస్మిన్ ఓ.ఒబియోహా చెప్పారు. గోరు కొరికేవారికి జలుబు, ఫ్లూ వచ్చే అవకాశం కూడా ఎక్కువ . అన్నింటికంటే, మీ చేతులు బ్యాక్టీరియాతో నిండి ఉంటాయి కాబట్టి ప్రమాదమేనంటున్నారు. ప్రతి సారి గోర్లను కొరకడం వల్ల గోర్లలో ఉండే బ్యాక్టీరియా మీ నోటిలోకి వెళ్లే ఇన్ఫెక్షన్‌ వచ్చే ప్రమాదం ఉందని సలహా ఇస్తున్నారు.