మద్యం, చికెన్, మటన్ తిన్న తర్వాత పాలు తాగొచ్చా? నిపుణులు ఏమంటున్నారు?

మన తిండి, పానీయాలకు సంబంధించి అనేక అపోహలు ఉంటాయి. అలాంటి ఒక అపోహ ఏమిటంటే చికెన్ లేదా మటన్ తిన్న తర్వాత పాలు తాగకూడదని. ఎందుకంటే వీటి తర్వాత పాలు తాగడం వల్ల శరీరంపై తెల్లటి మచ్చలు ఏర్పడతాయి కాబట్టి చికెన్ లేదా మటన్ తిన్న తర్వాత పాలు తాగకూడదని చెబుతుంటారు. అయితే దీని వెనుక ఉన్న నిజం ఏమిటో తెలుసుకుందాం.

నిపుణులు ఏమంటున్నారంటే..

లేడీ హార్డింజ్ మెడికల్ కాలేజ్ & ఎస్. ఎస్. ఆసుపత్రి మెడిసిన్ విభాగం హెచ్.ఓ. డి డాక్టర్ ఎల్ వివరాల ప్రకారం.. మటన్ తిన్నాక పాలు తాగొచ్చు అంటున్నారు. ఎందుకంటే రెండింటి మధ్య ఎలాంటి ప్రతికూల సంబంధం కనిపించలేదు. ఎటువంటి ప్రతికూల ప్రతిచర్యలకు సంబంధించి శాస్త్రీయ డేటా అందుబాటులో లేదు. కానీ అవి రెండూ అధిక మొత్తంలో ప్రోటీన్‌ను కలిగి ఉంటాయి. కాబట్టి అవి ఒకదానికొకటి సహాయపడతాయి. అందువల్ల, మీరు ఎటువంటి సమస్య ఎదుర్కోకుండా ఉన్నంత వరకు, మీరు చికెన్, మటన్ తిన్న తర్వాత పాలు తాగవచ్చు.

అదేవిధంగా ఆల్కహాల్ తీసుకున్న వెంటనే పాలు తాగకూడదని చాలా మంది భావిస్తుంటారు. అయితే వెంటనే కాదు, మీరు కొంత సమయం తర్వాత పాలు తీసుకోవచ్చు, ఎందుకంటే ఆల్కహాల్ తీసుకున్న తర్వాత, పాలు తీసుకోవడం వల్ల ఎసిడిటీ తగ్గుతుంది. మీరు సహాయం పొంది మంచి ఫలితాలను పొందవచ్చు. అందువల్ల ఆల్కహాల్ తర్వాత పాలు తాగకూడదు అనేది కూడా పూర్తి అపోహ మాత్రమేనని వైద్యులు చెబుతున్నారు.

అయినప్పటికీ, కొందరు వ్యక్తులు పాలు, మాంసాన్ని కలిపి తినేటప్పుడు జీర్ణ సమస్యలను ఎదుర్కొంటారు. మీ సౌకర్యాన్ని బట్టి ఎంపిక చేసుకోవడం ఉత్తమం. కొందరికి జీర్ణశక్తి పరిమితంగా ఉండడం వల్ల ఒకేసారి అంతగా జీర్ణం కాకపోవడం వల్ల జీర్ణ సమస్యలు, అజీర్తి సమస్యలు వస్తాయి. అయితే ఈ రెంటినీ కలిపి తినడం వల్ల వచ్చే రియాక్షన్‌కి లింక్ చేయడం తప్పు.

పాలతో వీటిని తినకండి

అదేవిధంగా, పుల్లని పండ్లతో పాలు తీసుకోవడం వల్ల సమస్యలు వస్తాయి. కాబట్టి నారింజ, నిమ్మ, పైనాపిల్ వంటి పుల్లని పండ్ల తర్వాత వెంటనే పాలు తాగడం మానుకోవాలని సూచిస్తున్నారు.

నోట్‌: ఇందులోని అంశాలు కేవలం అవగాహన కోసం మాత్రమే. ఆరోగ్య నిపుణుల సలహాల మేరకు అందించడం జరుగుతుంది. ఏదైనా సందేహాలు ఉంటే వైద్య నిపుణులను సంప్రదించండి.