Iron Deficiency: మహిళల్లో రక్తహీనతకు అదే ముఖ్య కారణం! ఆ ఆహారంతో చెక్‌

Iron Deficiency: మహిళల్లో రక్తహీనత ప్రధాన సమస్య. దేశంలో 60 శాతానికి పైగా మహిళలు రక్తహీనతతో బాధపడుతున్నారని నిపుణులు చెబుతున్నారు. సాధారణంగా శరీరంలో ఐరన్‌ లోపం వల్ల రక్తహీనత సమస్య వస్తుంది. నిపుణుల అభిప్రాయం ప్రకారం.. రుతుక్రమం, ప్రసవ సమయంలో రక్తస్రావం, పరిమిత ఆహారం, అధికంగా ప్రాసెస్‌ చేసిన ఆహారాన్ని తీసుకోవడం వల్ల మహిళల శరీరంలో ఐరన్ లోపం తలెత్తుతుంది.

శరీరంలో ఐరన్ లోపిస్తే రక్తంలో హిమోగ్లోబిన్ తగ్గుతుంది. ఫలితంగా రక్తహీనత సమస్య తలెత్తుతుంది. శ్వాస ఆడకపోవడం, బలహీనత, చర్మం పాలిపోవడం రక్తహీనత వంటివి రక్త హీనత ముఖ్య లక్షణాలు. కొన్ని సాధారణ ఆహారాల ద్వారా శరీరంలో ఐరన్ లోపాన్ని అధిగమించవచ్చు. తాజా పండ్లు, బచ్చలికూర, బ్రోకలీ, గుమ్మడికాయ, దుంప, క్యారెట్, మోచా వంటి ఆహారాలను రోజువారీ ఆహారంలో చేర్చుకోవడం వల్ల శరీరంలో ఐరన్ లోపం చాలా వరకు తగ్గుతుంది.

అన్ని రకాల పప్పులలో ఐరన్ పుష్కలంగా ఉంటుంది. అందుకే ప్రతిరోజూ ఆకు కూరల్లో ఎలాంటి పప్పునైనా తీసుకోవాలి. అలాగే మొలకెత్తిన చిక్‌పీస్, బీన్స్, కిడ్నీ బీన్స్, సోయాబీన్స్‌లో కూడా ఐరన్ పుష్కలంగా ఉంటుంది. రక్తహీనతను నయం చేయడానికి సహాయపడుతుంది.

సాల్మన్, మాకేరెల్ వంటి సముద్రపు ఆహారంలో ఐరన్ పుష్కలంగా ఉంటుంది. వీటిని రోజూ ఆహారంలో తీసుకోవడం వల్ల శరీరంలో ఐరన్ లోపం తగ్గి రక్తహీనత సమస్య నుంచి బయటపడొచ్చు. అరటిపండ్లు, ఎండుద్రాక్షలో ఐరన్ పుష్కలంగా ఉంటుంది. అందుకే రోజువారీ ఆహారంలో అరటిపండు, ఎండుద్రాక్ష తీసుకోవాలి.

అలాగే మామిడి, నిమ్మ, జామ వంటి పండ్లను క్రమం తప్పకుండా తినడం అలవాటు చేసుకోవాలి. జీడిపప్పు, ఎండుద్రాక్ష, బాదం, ఖర్జూరంలో ఐరన్ పుష్కలంగా ఉంటుంది. ఇది హిమోగ్లోబిన్‌ను పెంచుతుంది. కాబట్టి ప్రతి రోజూ ఉదయాన్నే కొన్ని జీడిపప్పు, బాదం, ఎండుద్రాక్ష, కనీసం 4-5 ఖర్జూరాలు తప్పక తినాలి.