kidneys : మూత్రపిండాలు మీకు సరిగా పనిచేస్తున్నాయా? ఈ లక్షణాలున్నాయా?

ఎరిత్రోపోయెటిన్ హార్మోన్ ద్వారా ఎర్ర రక్త కణాల ఉత్పత్తిని మూత్రకండాలు ప్రేరేపిస్తాయి. విటమిన్ డి ని ఉత్పత్తి చేసి, కాల్షియం పెరుగుదలకు ఉపయోగపడతాయి. మూత్రపిండాలు చెడిపోవడానికి అనేక కారణాలున్నాయి. అందులో ప్రధానమైనవి అధిక ఉప్పు మరియు చక్కెర తీసుకోవడం. తక్కువ నీరు తాగడం. అధిక మద్యం మరియు ధూమపానం సేవించడం. అధిక రక్తపోటు మరియు మధుమేహం కూడా మూత్రపిండాలు చెడిపోవడానికి కారణమవుతాయి. అధిక కొవ్వు మరియు ప్రాసెస్ చేసిన ఆహారం తీసుకోవడం. నిర్లక్ష్యంగా జీవితాన్ని గడపటం, వ్యాయామం లేకపోవడం, ఎక్కువ మందులు వినియోగించడం వల్ల కిడ్నీలు దెబ్బతింటాయని వైద్యులు చెబుతున్నారు.

ఇక మూత్రపిండాలు కాపాడుకోవడం మన చేతుల్లోనే ఉంది. రోజుకు కనీసం 2-3 లీటర్ల నీరు తాగాలి. సమతుల్య ఆహారం తీసుకోవాలి. తాజా కూరగాయలు, పండ్లు, మోతాదులో ప్రోటీన్ ఉండే ఆహారం తీసుకోవాలి. – రోజుకు కనీసం 30 నిమిషాలపాటు నడక లేదా వ్యాయామం చేయాలి. మద్యం, ధూమపానం మానేయాలి. అధిక రక్తపోటు మరియు మధుమేహాన్ని నియంత్రించుకోవాలి. రోజుకు 5 గ్రాముల కంటే ఎక్కువ ఉప్పు తీసుకోకూడదు. అయితే మూత్ర పిండాల సమస్యలను ముందుగా గుర్తించ వచ్చని వైద్యులు చెబుతున్నారు. ముఖం, చేతులు, కాళ్ల విపరీతమైన వాపు కనపడుతుంది. తరచూ అలసట, నీరసంగా అనిపిస్తుంది. మూత్రంలో రక్తపు లేఖలు కనిపించడంతో పాటు మూత్రం రంగు మారడం లేదా దుర్వాసన రావడం వంటి కారణాలతో పాటు తక్కువ ఆకలి, మలబద్ధకం, వాంతులు వంటి లక్షణాలు ఉంటే వెంటనే వైద్యులను సంప్రదించాల్సి ఉంటుంది. మూత్రపిండాలను కాపాడుకోవాలంటే యాపిల్, నేరేడు, ద్రాక్ష, స్ట్రాబెర్రీ పండ్లను తినాలి. క్యాబేజి, బెల్లమా, క్యారట్ కూరలను ఎక్కువగా తినాలి. ఉసిరి, బొప్పాయ మూత్రపిండాల పనితీరును మెరుగు పరుస్తుంది. తరచూ పరీక్షలు చేయించుకుంటే మంచిదని వైద్యులు సూచిస్తున్నారు. ఇది వైద్యులు సూచించిన సూచనలు మాత్రమే.