Nails: ఏ విటమిన్ లోపం వల్ల గోళ్లకు పసుపు రంగు వస్తుందో తెలుసా?

అందరు అందమైన గోళ్లను కోరుకుంటారు. కానీ కొన్నిసార్లు గోళ్లు విపరీతంగా విరిగి పసుపు రంగులోకి మారుతాయి. చాలా సార్లు మనం విస్మరిస్తాము. అయితే ఏదైనా విటమిన్ లోపం వల్ల గోళ్లు పసుపు రంగులోకి మారుతాయని మీకు తెలుసా? ఇది శరీరంలోని కొన్ని సమస్యలకు సంకేతం కూడా కావచ్చు. అటువంటి పరిస్థితిలో నిర్లక్ష్యం చేయకూడదు. ఏ విటమిన్‌ కారణంగా గోర్లు పసుపు రంగుకు కారణమవుతాయో తెలుసుకుందాం.

విటమిన్ B-12 లోపం:

నిపుణుల వివరాల ప్రకారం.. కొన్నిసార్లు ఏదైనా విటమిన్ లోపం వల్ల గోర్లు పసుపు రంగులోకి మారవచ్చు. విటమిన్ B-12 అనేది మన శరీరం అనేక ముఖ్యమైన విధులకు అవసరమైన ముఖ్యమైన పోషకం. దీని లోపం అనేక సమస్యలను కలిగిస్తుంది. వాటిలో ఒకటి గోర్లు పసుపు రంగులోకి మారడం. శరీరంలో విటమిన్ బి-12 పరిమాణం తగ్గినప్పుడు అది గోళ్లపై కూడా ప్రభావం చూపుతుంది. గోర్లు సన్నగా, బలహీనంగా, పసుపు రంగులోకి మారుతాయి. కొన్నిసార్లు గోళ్ల అంచుల్లో కూడా పగుళ్లు కనిపిస్తాయి. అటువంటి పరిస్థితిలో విటమిన్ B-12 సప్లిమెంట్ అవసరం అవుతుంది.

విటమిన్ B-12 లోపం ఎందుకు పసుపు రంగుకు కారణమవుతుంది?

విటమిన్ B-12 రక్త కణాల నిర్మాణంలో ముఖ్యమైన పాత్ర పోషిస్తుంది. ఇది మన శరీరానికి ఆక్సిజన్‌ను అందించే హిమోగ్లోబిన్‌ను తయారు చేయడంలో సహాయపడుతుంది. విటమిన్ B-12 లోపం రక్త కణాల నిర్మాణంపై ప్రభావం చూపుతుంది. రక్తహీనత వంటి పరిస్థితులకు దారితీస్తుంది. దీని ప్రభావం మొదట గోర్లు, చర్మంపై కనిపిస్తుంది. గోళ్లు సన్నబడటం, బలహీనంగా మారడం, పసుపు రంగులోకి మారడం విటమిన్ బి-12 లోపం అత్యంత సాధారణ లక్షణం.

బయోటిన్ లోపం (విటమిన్ B7)

శరీరంలోని బయోటిన్ (విటమిన్ B7) లోపం వల్ల కూడా గోర్లు పసుపు రంగులోకి మారవచ్చు. బయోటిన్ చర్మం, గోర్లు, జుట్టును ఆరోగ్యంగా ఉంచడం వంటి శరీరంలోని అనేక ముఖ్యమైన విధుల్లో సహాయపడుతుంది. బయోటిన్ లోపం వల్ల గోళ్లలో సమస్యలతో పాటు చర్మం, వెంట్రుకలు బలహీనపడి రాలిపోతాయి. ఈ రెండు విటమిన్ల లోపం వల్ల గోళ్లు పసుపు రంగులోకి మారుతాయి. ఈ పోషకాల లోపం ఉంటే, వైద్యులు మందులు లేదా సప్లిమెంట్లను ఇస్తారు. మీరు మీ ఆహారాన్ని కూడా మెరుగుపరచుకోవాలి.

నోట్‌: ఇందులోని అంశాలు కేవలం అవగాహన కోసం మాత్రమే. ఆరోగ్య నిపుణుల సలహాల మేరకు అందించడం జరుగుతుంది. ఏదైనా సందేహాలు ఉంటే వైద్య నిపుణులను సంప్రదించండి.