ఒకే వ్యక్తికి కోవిడ్-19, మంకీ పాక్స్, హెచ్.ఐ.వీ. పాజిటివ్ కూడా..!

ఇటలీలో 36 ఏళ్ల వ్యక్తికి కోవిడ్-19, మంకీ పాక్స్, హెచ్.ఐ.వీ.. మూడూ పాజిటివ్ గా తేలింది. ప్రపంచంలో ఇలాంటి కేసు రావడం మొదటిసారి అని అంటున్నారు. ఆ వ్యక్తికి మంకీపాక్స్, కోవిడ్-19, హెచ్‌ఐవి పాజిటివ్ ఉన్నట్లు నివేదించారు. జర్నల్ ఆఫ్ ఇన్ఫెక్షన్‌లో ప్రచురించబడిన ఒక నివేదిక ప్రకారం సదరు రోగి స్పెయిన్ నుండి ఐదు రోజుల పర్యటన తర్వాత తిరిగి వచ్చిన తొమ్మిది రోజుల పాటూ జ్వరం, గొంతు నొప్పి, అలసట, తలనొప్పి, గజ్జ ప్రాంతంలో మంట ఉందని వైద్యులకు తెలిపారు. ఈ లక్షణాలు కనిపించిన మూడు రోజుల తర్వాత ఆ వ్యక్తికి కరోనా పాజిటివ్ అని తేలింది. అతనికి ముఖం, ఇతర శరీర భాగాలపై తీవ్రమైన దద్దుర్లు కూడా వచ్చినట్లు గుర్తించారు. పరిస్థితి తీవ్రత దృష్ట్యా, ఆ వ్యక్తిని ఆసుపత్రి లోని అత్యవసర విభాగానికి పంపించారు. వెంటనే అతన్ని ఇన్ఫెక్షియస్ డిసీజ్ యూనిట్‌లో చేర్చారు.