Periods: పీరియడ్స్ సకాలంలో రాకపోతే అది ప్రమాదకరమైన వ్యాధి కావచ్చు!
మహిళలు తమ జీవితంలో అనేక రకాల వ్యాధులను ఎదుర్కోవలసి వస్తుంది. గత కొన్ని సంవత్సరాలుగా పిసిఒడి వంటి వ్యాధులు మహిళల్లో
Periods:మహిళలు తమ జీవితంలో అనేక రకాల వ్యాధులను ఎదుర్కోవలసి వస్తుంది. గత కొన్ని సంవత్సరాలుగా పిసిఒడి వంటి వ్యాధులు మహిళల్లో నిరంతరం పెరుగుతూనే ఉన్నాయి. తప్పుడు ఆహారపు అలవాట్లు, నిశ్చల జీవనశైలి వ్యాధులు పెరగడానికి ప్రధాన కారణం. సకాలంలో పీరియడ్స్ రాకపోవడం, పీరియడ్స్ సమయంలో సాధారణం కంటే ఎక్కువ రక్తస్రావం వంటి సమస్యలు కూడా మహిళల్లో ఎక్కువగా కనిపిస్తున్నాయి. చాలా సందర్భాల్లో మహిళలు ఈ సమస్యలను నిర్లక్ష్యం చేస్తారు, అయితే పీరియడ్స్‌కు సంబంధించిన ఈ లక్షణాలను నిర్లక్ష్యం చేయకూడదని వైద్యులు అంటున్నారు. ఎందుకంటే ఈ లక్షణాలు ఎండోమెట్రియోసిస్ వ్యాధికి సంబంధించినవి కావచ్చు.
వైద్యుల అభిప్రాయం ప్రకారం.. ఎండోమెట్రియోసిస్ అనేది మహిళల్లో గర్భాశయంలో సంభవించే వ్యాధి. ఈ వ్యాధిలో స్త్రీ శరీరంలో ఎండోమెట్రియల్ కణజాలం వేగంగా పెరగడం ప్రారంభమవుతుంది. అనేక సందర్భాల్లో కణజాలం గర్భాశయం వెలుపల కూడా వేగంగా వ్యాప్తి చెందడం ప్రారంభిస్తుంది. ఇవి స్త్రీల అండాశయాలు, ప్రేగులు, పునరుత్పత్తి అవయవాలకు చేరుకుంటాయి. అలాంటి పరిస్థితి మహిళలకు ప్రాణాంతకం. కాబట్టి, పీరియడ్స్ కు సంబంధించిన ఈ సమస్యలను తేలికగా తీసుకోకూడదు.
లక్షణాలు ఏమిటి?
ఫోర్టిస్ హాస్పిటల్ గైనకాలజీ విభాగం డైరెక్టర్ డాక్టర్ నీమా శర్మ మాట్లాడుతూ.. మహిళలకు సకాలంలో పీరియడ్స్ రాకపోతే బ్లీడింగ్ ఎక్కువగా ఉంటే అది ఎండోమెట్రియోసిస్ లక్షణమని, అయితే అధిక రక్తస్రావం అనేది ప్రమాదమేనంటున్నారు. అన్ని కేసులు తప్పనిసరిగా ఎండోమెట్రియోసిస్‌తో సంబంధం కలిగి ఉండవు. అయితే, మహిళలు కొన్ని లక్షణాలను నిర్లక్ష్యం చేయకూడదు. అటువంటి సందర్భాలలో వెంటనే వైద్యులను సంప్రదించాలి.
➦ పీరియడ్స్ సమయంలో భారీ రక్తస్రావం
➦ పీరియడ్స్ సమయానికి రాకపోవడం
➦ సంభోగం సమయంలో తీవ్రమైన నొప్పి
➦ మూత్రవిసర్జన సమయంలో నొప్పి
ఎలా రక్షించుకోవాలి?
అటువంటి వ్యాధులను నివారించడానికి, మీ జీవనశైలి, ఆహారాన్ని విషయంలో జాగ్రత్తలు పాటించాలి. అయితే, ఎండోమెట్రియోసిస్ వచ్చిన తర్వాత శస్త్రచికిత్స, మందుల ద్వారా చికిత్స చేయబడుతుంది. ఈ వ్యాధిని సమయానికి సులభంగా నయం చేయవచ్చు, అయితే దీని కోసం మీరు పీరియడ్స్‌కు సంబంధించిన ఏదైనా సమస్యను ఎదుర్కొంటున్నట్లయితే, వెంటనే వైద్యులను సంప్రదించడం చాలా ముఖ్యం.
నోట్‌: ఇందులోని అంశాలు కేవలం అవగాహన కోసం మాత్రమే. ఆరోగ్య నిపుణుల సలహాల మేరకు అందించడం జరుగుతుంది. ఏదైనా సందేహాలు ఉంటే వైద్య నిపుణులను సంప్రదించండి.
