Trains : ఒక్క సీటు కూడా ఖాళీ లేదే... అన్నీ అయిపోయాయ్.. ఇప్పుడేటి సేయాలి?

ఇక ఎక్కువ మంది సుదూర ప్రాంతాలకు వెళ్లాల్సిన వాళ్లు ఎక్కువగా రైళ్ల మీద ఆధారపడి ప్రయాణలు సాగిస్తుంటారు. సురక్షితంగా, వేగంగా వెళ్లేందుకు రైళ్లు ఎక్కువగా ఉపయోగపడతాయని భావించి ఎక్కువ మంది రైళ్లలోనే ప్రయాణిస్తుంటారు. అయితే ఈ సంక్రాంతి పండగ కోసం దక్షిణ మధ్య రైల్వే అధికారులు 115 స్పెషల్ ట్రైన్స్ ను నడుపుతున్నట్లు ప్రకటించింది. వీటితో పాటు ఎప్పుడూ నడిచే రైళ్లు ఎలాగూ ఉన్నాయి. నిన్నటి నుంచే స్పెషల్ ట్రెయిన్స్ ప్రారంభమయ్యాయి. ఈ నెల 20వ తేదీ వరకూ నడుస్తాయని దక్షిణ మధ్య రైల్వే అధికారులు తెలిపారు.

సికింద్రాబాద్, నాంపల్లి, కాచిగూడ రైల్వే స్టేషన్ల నుంచి ఎక్కువగా ఈ రైళ్లు ప్రయాణిస్తున్నాయి. అియతే అన్ని రైళ్లలో టిక్కెట్లు ముందుగానే ప్రయాణికులు బుక్ చేసుకున్నారు. స్పెషల్ రైళ్లలో అదనపు ఛార్జీలు వసూలు చేసినా పెద్దగా పట్టించుకోకుండా ముందుగానే తమ బెర్త్ లను రిజర్వ్ చేసుకున్నారు. ఆంధ్రప్రదేశ్ లో ప్రధానంగా విశాఖపట్నం, విజయనగరం, శ్రీకాకుళం, రాజమండ్రి, కాకినాడ వరకూ ఉన్న రైళ్లన్నీ దాదాపుగా ఫుల్ అయిపోయాయి. వందేభారత్ రైళ్లలో కూడా బోగీలు పెంచారు. అందులో కూడా టిక్కెట్లను ముందుగానే రిజర్వ్ చేసుకున్నారు. వెయిటింగ్ లిస్ట్ నడుస్తుండటంతో రైళ్లలో వెళ్లాలనుకుంటున్న వారు కొంత నిరాశ చెందుతున్నారు.