Hyderabad : వామ్మో.. పూలు, పండ్లు నేడు కొనాలంటే బ్యాంక్ బ్యాలన్స్ సరిపోదేమో?

అందుకే శ్రావణమాసంలో పూలు, పండ్ల ధరలు విపరీతంగా పెరుగుతాయి. రాజమండ్రి మార్కెట్ నుంచి ఉదయాన్నే హైదరాబాద్ కు అరటి గెలల లోడుతో లారీలు వస్తున్నా ధరలు మాత్రం అందుబాటులోకి రావడం లేదు. నిన్న మొన్నటి వరకూ డజన్ అరటి పండ్లు అరవై నుంచి డెబ్బయి రూపాయలు వరకూ ఉండేది. అయితే ఈరోజు అరటి పండ్లు కొనుగోలు చేయాలంటే డజన్ కు 120 రూపాయలు పెట్టి కొనుగోలుచేయాల్సిన పరిస్థితి ఏర్పడింది. తాంబూలాల్లో అరటి పండ్లు పెట్టి ిఇచ్చే సంప్రదాయం ఉండటంతో వీటి ధరలు నింగినంటాయి.

కొత్త వస్త్రాలు ధరించి శ్రీమహాలక్ష్మి అమ్మవారిని ప్రార్థిస్తే అష్టశ్వైర్యాలు, ఆయురోరగ్యం ఫలిస్తుందని నమ్ముతారు. అందుకే శ్రావణ మాసంలో మహిళలు ప్రతి శుక్రవారం ప్రత్యేకంగా లక్ష్మీదేవికి పూజలు నిర్వహిస్తారు. ఇక మహిళలు పూలు ధరించి ఇంటికి తాంబూలాలకు వచ్చిన వారికి కూడా పండ్లు, పూలు ఇవ్వడం మామూలు. సాధారణ రోజుల్లో పావుకిలో 30 రూపాయలు ఉండే పూలు, ఇప్పుడు వంద రూపాయలకు చేరుకున్నాయి. అవి కూడా వాడిపోయి ఉంటున్నాయని మహిళలు వాపోతున్నారు. కడియం మార్కెట్ నుంచి వచ్చిన పూల ధరలకు రెక్కలు రావడంతో శ్రావణ మాసం వేళ మహిళలు పూలను విధిగా కొనాల్సిన రావడంతో ఇబ్బంది పడుతున్నారు.