‌Hyderabad : అదిగదిగో చిరుత.. కనిపించినట్లే కనిపించి.. అలా వెళ్లిందే

శంషాబాద్ ఎయిర్ పోర్టులో చిరుత కోసం వేట కొనసాగుతుంది. అయితే చిరుత జాడ కనిపించినా అది మాత్రం బోనులో చిక్కలేదు. గత రెండు రోజుల నుంచి అటవీ శాఖ అధికారులు చిరుత కోసం గాలింపు చర్యలు చేపట్టారు. ట్రాప్ కెమెరాలు పెట్టారు. డ్రోన్ల ద్వారా చిరుత జాడ కోసం వెదుకుతున్నారు. కానీ చిరుత మాత్రం కనిపించడం లేదు. బోన్లను కూడా ఏర్పాటు చేశారు. ఎయిర్ పోర్టు ఫెన్సింగ్ దూకడంతో ఎయిర్‌పోర్టులోని అలారం మోగడంతో అప్రమత్తమయిన అధికారులు చిరుత రావడాన్ని గమనించారు. ట్రాప్ కెమెరాలో చిరుతను గుర్తించిన అధికారులు దానిని పట్టుకునేందుకు ప్రయత్నాలు చేస్తున్నారు.