Eagle Squad vs Drones డ్రోన్లను కూల్చేయగల ఈగల్ స్క్వాడ్.. ప్రపంచంలోనే రెండోది

ఏ మాత్రం అనుమతి లేకుండా.. ఎక్కడ పడితే అక్కడ డ్రోన్స్ ను ఎగరేస్తూ ఉంటారు. ఇక సెక్యూరిటీ పరంగా చాలా ముఖ్యమైన ప్రాంతాల మీద నిఘా పెట్టే ప్రయత్నాలు కూడా కొందరు చేస్తూ ఉంటారు. అలాంటి డ్రోన్లను పట్టేయాలంటే చాలా కష్టమే. అయితే వీటి పని పట్టడానికి డేగలు సిద్ధమయ్యాయి. డ్రోన్ లపై దాడి చేయడానికి ఈగల్ స్క్వాడ్ సిద్ధమైంది. డ్రోన్‌లను కూల్చడానికి డేగలకు శిక్షణ ఇస్తూ వచ్చారు. ఆ ట్రైనింగ్ విజయవంతం అయింది. తెలంగాణ పోలీసులకు దాదాపు మూడు సంవత్సరాల శ్రమ ఫలించింది. ఇద్దరు నిపుణుల దగ్గర శిక్షణ పొందిన మూడు డేగల పని తీరును చూపించారు. ఆకాశంలో ఎగిరే డ్రోన్లను ఎంతో సులువుగా ఆ డేగలు ఇట్టే పట్టేస్తూ కనిపించాయి.