Sat Nov 16 2024 22:39:21 GMT+0000 (Coordinated Universal Time)
నేడు ఎనిమిదో నిజాం అంత్యక్రియలు
ఎనిమిదో నిజాం ముకర్రం ఝా పార్ధీవదేహానికి నేడు అంత్యక్రియలు జరగనున్నాయి
ఎనిమిదో నిజాం ముకర్రం ఝా పార్ధీవదేహానికి నేడు అంత్యక్రియలు జరగనున్నాయి. ఇస్తాంబుల్ నుంచి నిన్న హైదరాబాద్ కు చేరుకున్న ముకర్రం ఝా భౌతిక దేహాన్ని చౌమొహల్లా ప్యాలెస్ లో ఉంచారు. ప్రజల సందర్శనార్థం నేడు ఉదయం ఎనిమిది గంటల నుంచి మధ్యాహ్నం ఒంటి గంట వరకూ అనుమతిస్తారు. చివరి నిజాం పార్ధీవ దేహాన్ని చూసేందుకు ప్రజలు పెద్దయెత్తున తరలి వస్తారని భావిస్తున్నారు.
అధికారికంగా...
చౌమహల్లా ప్యాలెస్ వద్ద భారీ బందోబస్తును ఏర్పాటు చేశారు. మధ్యాహ్నం రెండు గంటలకు ముకర్రం అంతిమయాత్ర ప్రారంభం కానుంది. చౌమహల్లా ప్యాలెస్ నుంచి మక్కా మసీదు వరకూ యాత్ర కొనసాగనుంది. చివరి నిజాం అలీఖాన్ ముకర్రమ్ ఝా బహదూర్ కు 89 సంవత్సరాలు ఆయన ఇస్తాంబుల్ లోని తన నివాసంలో మరణించిన సంగతి తెలిసిందే. నిన్న ముఖ్యమంత్రి కేసీఆర్ ముకర్రం పార్ధీవ దేహాన్ని దర్శించి నివాళులర్పించారు. అధికారిక లాంఛనాలతో అంత్యక్రియలను నిర్వహించాలని ప్రభుత్వం ఆదేశించింది.
Next Story
