Telangana : ఆగస్టు నెలలో ఉక్కబోత... వాతావరణంలో ఈ మార్పులేంటి? పెరిగిన ఏసీల వినియోగం

ఇక రాత్రి వేళ ఏసీల వాడకం పెరిగిపోయిందని విద్యుత్తు శాఖ అధికారులు చెబుతున్నారు. గత కొద్ది రోజులుగా ఏసీల వాడకం పెరిగినందున విద్యుత్తు వినియోగం పెరిగిందని చెబుతున్నారు. ఆగస్టు నెలలో విద్యుత్తు వాడకం తక్కువగా ఉంటుంది. అయితే ఈ ఏడాది మాత్రం అందుకు భిన్నంగా ఉందని చెబుతున్నారు. పగలు నుంచి రాత్రి వరకూ ఉక్కబోతతో ప్రజలు ఇబ్బంది పడుతున్నారు. మరో వైపు విషజ్వరాలు కూడా విజృంభిస్తుండటంతో ప్రజలు ఇబ్బంది పడుతున్నారు. డెంగీ వంటి వ్యాధులు కూడా విపరీతంగా నమోదవుతున్నాయి. ఈపరిస్థితుల్లో వాతావరణ మార్పులతో హైదరాబాద్ వాసులు ఇబ్బంది పడుతున్నారు.

ఉక్కబోత కారణంగా ఫ్యాన్లు, ఏసీల వినియోగం పెరిగిపోవడంతో విద్యుత్తు బిల్లులు కూడా తడిసి మోపెడవుతున్నాయి. సాధారణంగా ఆగస్టు నెలలో ఇంతటి విద్యుత్తు వినియోగం ఉండదు. బిల్లులు కూడా తగ్గుతాయి. కానీ ఈసారి మాత్రం అందుకు విరుద్ధంగా ఉండటంతో ప్రజలు ఇదేమి వాతావరణం అంటూ ఆందోళన చెందుతున్నారు. ఇంకా వేసవి కాలం నడుస్తున్నట్లునే ఉందంటున్నారు. బయట కొంత చల్లగా ఉన్నప్పటికీ, ఇళ్లలో మాత్రం ఉక్కబోత ఇబ్బందులు పెడుతుంది. ఇలా ఎప్పుడూ లేని వాతావరణం నెలకొనిందని, దీనివల్ల సీజనల్ వ్యాధులు త్వరగా సంక్రమించే అవకాశముందని వైద్యులు చెబుతున్నారు.