Hyderabad : రేపు ఉదయం వరకూ నిమజ్జనం .. ట్యాంక్‌బండ్ పై కోలాహలం

ఖైరతాబాద్ గశేశ్ విగ్రహం మధ్యాహ్నం రెండు గంటల ప్రాంతంలో నిమజ్జన ప్రక్రియ పూర్తయినా ఇంకా నగరం నలుమూలల నుంచి అనేక విగ్రహాలు ట్యాంక్‌బండ్ వద్దకు చేరుకోవాల్సి ఉంది. ఎక్కడకక్కడ పోలీసులు వేగంగా గణనాధులను కదలిస్తున్నప్పటకీ విగ్రహాల సంఖ్య ఎక్కువ కావడంతో చార్మినార్, మొజంజాహి మార్కెట్, కోటి, ఆబిడ్స్ ప్రాంతాలకు వచ్చే సరికి కొంత స్లో అవుతున్నాయి. నిర్వాహకులు వేగంగా వెళ్లాలని భావిస్తున్నప్పటికీ యువత పెద్దసంఖ్యలో పాల్గొనడటంతో వాహనాల కదలిక నెమ్మదిగా సాగుతుంది. పోలీసులు అడుగడుగునా మొహరించి భారీ బందోబస్తు ఏర్పాటు చేయడంతో ఎలాంటి అవాంఛనీయ ఘటనలు జరగకుండా అన్ని చర్యలు తీసుకుంటున్నారు. ఉన్నతాధికారులు పోలీస్ కంట్రోల్ రూమ్ నుంచి మ్యానిటరింగ్ చేస్తూ ఎప్పటికప్పుడు కిందిస్థాయి అధికారులకు ఆదేశాలు జారీ చేస్తున్నారు. దీంతో నిమజ్జనం ప్రశాంతంగా సాగుతుంది.