Hyderabad : గోదారి అబ్బాయికి.. మర్యాదలు అదుర్స్

కాకినాడ నుంచి వచ్చిన తమ అల్లుడికి 130 రకాల పిండి వంటలను హైదరాబాద్ నగరంలో చేసి పెట్టి అత్తామామలు కొత్త అల్లుడిని అలరించారు. హైదరాబాద్ లోని సరూర్ నగర్ లోని శారదానగర్ లో క్రాంతి కల్పనకు ఇద్దరు కుమార్తెలు కాగా, అందులో పెద్ద కుమార్తెను కాకినాడకు చెందిన మల్లికార్జునకు ఇచ్చి నాలుగు నెలల క్రితం వివాహం జరిపించారు. అయితే తొలి పండగకు సంక్రాంతికి కొత్త అల్లుడు ఇంటికి రావడంతో అతడి కోసం 130 రకాల పిండి వంటలను సిద్ధం చేసి ఉంచారు. వివిధ రకాల స్వీట్, హాట్, పులిహోర వంటి వెజిటేరియన్ తో పాటు నాన్ వెజ్ వంటకాలను కూడా సిద్ధంచేసి వండి వార్చారు. అత్తమామల ప్రేమ చూసిన గోదారి అబ్బాయికి అదే ఏరియా మర్యాదను చవి చూపించి తమ ప్రేమను చాటుకున్నారు.