Hydra : హైడ్రా రెడీ.. ఆరంతస్థుల భవనాన్ని నేలమట్టం చేసేందుకు సిద్ధం

హైదరాబాద్ డిజాస్టర్ రెస్పాన్స్ అండ్ అసెట్ప్ ప్రొటెక్షన్ ఏజెన్సీ ఆదివారం కూల్చివేతలకు సిద్ధమయింది. అయ్యప్ప సొసైటీలో ఉన్న ఆరంతస్థుల భవనాన్ని కూల్చివేతకు రంగం సిద్ధం చేసింది. అనుమతులు లేకుండా బిల్డర్ ఆరంతస్థుల భవనాన్ని నిర్మించడంతో దానిని కూల్చి వేయాలని హైడ్రా అధికారులు నిర్ణయించారు. హైడ్రా కమిషనర్ రంగనాధ్ దగ్గరుండి ఈ కూల్చివేతల ప్రక్రియను ప్రారంభించనున్నారు. అయ్యప్ప సొసైటీలో సెట్ బ్యాక్ నిబంధనలను పాటించకుండా నిర్మాణం చేపట్టిన ఆరంతస్థుల భవనాన్ని నేలమట్టం చేసేందుకు హైడ్రా అధికారులు చర్యలు ప్రారంభించారు. ఈ భవన నిర్మాణంపై స్థానికులు హైడ్రా అధికారులకు ఫిర్యాదు చేయడంతో అధికారులు యాక్షన్ కు దిగుతున్నారు.

కూల్చివేతలకు ఆదేశం...

హైడ్రా కమిషనర్ రంగనాధ్ ఇప్పటికే ఈ భవనాన్ని పరిశీలించారు. దీనికి అనుమతులు లేవని తెలుసుకున్న రంగనాధ్ కూల్చివేతలకు ఆదేశించారు. దీంతో అయ్యప్పసొసైటీలో ఉన్న ఆరంతస్థుల భవనాన్ని నేడు కూల్చివేయనున్నారు. భవన నిర్మాణం చేపట్ట వద్దంటూ అనేక సార్లు హెచ్చరించినా భవన యజమానులు పట్టించుకోకపోవడంతో కూల్చివేతలకు చర్యలు ప్రారంభించారు. స్థానికుల భద్రతను దృష్టిలో ఉంచుకుని ఈ నిర్మాణాన్ని కూల్చివేయాలని అధికారులు ఆదేశిచండంతో కూల్చివేతలకు అంతా సిద్ధమయింది. మరికాసేపట్లో బుల్ డోజర్ వచ్చి ఈ భవనాన్నినేలమట్టం చేయనుంది. బిల్డర్లు మొండిగా ఎలాంటి అనుమతులు లేకుండా నిర్మించడమే కూల్చివేతలకు ప్రధాన కారణం.

అనుమతులు లేకుండా...

హైడ్రా అధికారులు హెచ్చరించినప్పుడే భవన నిర్మాణ యజమానులు అందుకు సంబంధించిన అనుమతులు పొంది ఉంటే ఈ పరిస్థితి వచ్చేది కాదని అధికారులు చెబుతున్నారు. అనుమతులు లేకుండా నివాసాల మధ్యలో ప్రమాదకరమైన పరిస్థితుల్లో భవన నిర్మాణం చేపట్టడం అక్రమమేనని నిర్ధారించుకున్న తర్వాత కూల్చివేతలకు ఆదేశించిననట్లు హైడ్రా అధికారులు తెలిపారు. అక్రమ నిర్మాణాలను, అనుమతులు లేని వాటిని, నిబంధనలకు విరుద్ధంగా నిర్మించే నిర్మాణాలను కూల్చివేస్తామని ఇదివరకే హైడ్రా అధికారులు హెచ్చరించిన నేపథ్యంలో నేడు అయ్యప్ప సొసైటీలో కూల్చివేతలు ప్రక్రియ ప్రారంభం కానుంది. ఈ సందర్భంగా భారీ బందోబస్తును ఏర్పాటు చేస్తున్నారు.

ఇప్పుడు Desh Telugu Keyboard యాప్ సహాయంతో మీ ప్రియమైన వారికి తెలుగులో సులభంగా మెసేజ్ చెయ్యండి. Desh Telugu Keyboard and Download The App Now

View this post on Instagram

A post shared by Desh Telugu Keyboard (@desh.telugu)

హైదరాబాద్ డిజాస్టర్ రెస్పాన్స్ అండ్ అసెట్ప్ ప్రొటెక్షన్ ఏజెన్సీ ఆదివారం కూల్చివేతలకు సిద్ధమయింది.

Ravi Batchali

తాజా వార్తలు

టాప్ స్టోరీస్

వీడియోస్