‘సూపర్ సేవర్ ఫ్రీడమ్ ఆఫర్’ ప్రకటించిన హైదరాబాద్ మెట్రో

హైదరాబాద్ మెట్రో రైల్ బంపర్ ఆఫర్ ప్రకటించింది. స్వాతంత్ర్య దినోత్సవ వారాంత సమయంలో ప్రయాణ అనుభవాలను మెరుగుపరిచే లక్ష్యంతో హైదరాబాద్ మెట్రో రైల్ శుక్ర‌వారం ప్రయాణికుల కోసం 'సూపర్ సేవర్ ఫ్రీడమ్ ఆఫర్' పేరుతో అద్భుతమైన ఆఫర్‌ను తీసుకు వచ్చింది. ఈ ఆఫర్ లో భాగంగా కేవలం రూ. 59 తో తమ సూపర్ సేవర్ మెట్రో హాలిడే కార్డ్‌ను రీఛార్జ్ చేయడం ద్వారా.. ఆగస్ట్ 12, 13, 15 తేదీల్లో అపరిమిత మెట్రో రైడ్‌లను ఆస్వాదించవ‌చ్చ‌ని పేర్కొంది.

మెట్రో ఎండీ కేవీబీ రెడ్డి మాట్లాడుతూ.. "మా విలువైన కస్టమర్‌లకు ఈ ప్రత్యేకమైన ఎస్‌ఎస్‌ఎఫ్ ఆఫర్‌ను అందిస్తుండటం పట్ల మేము సంతోషిస్తున్నామ‌న్నారు. ఈ ఆఫర్ ప్ర‌జ‌ల‌ ప్రయాణాన్ని సుల‌భ‌త‌రం చేస్తుంద‌న్నారు. ఈ ఆఫర్‌ను ప్ర‌తిఒక్క‌రు సద్వినియోగం చేసుకోవాలని కోరారు. హైదరాబాద్ మెట్రో రైలు సౌకర్యాన్ని ప్రత్యక్షంగా వినియోగించుకోవాల‌ని.. మేము ప్రతి ఒక్కరినీ ఆహ్వానిస్తున్నామని అని అన్నారు.