ఇక ఔటర్ రింగ్ రోడ్డుపై స్పీడ్ లిమిట్ పెరిగినట్లే..!

ఔటర్ రింగ్ రోడ్డుపై తెంగాణ ప్రభుత్వం కీలక ప్రకటన చేసింది. ప్రస్తుతం ఔటర్ రింగ్ రోడ్డు మీద స్పీడ్‌ లిమిట్ 100 కిలోమీటర్లు ఉండగా.. ఈ స్పీడ్‌ను ఇప్పుడు ప్రభుత్వం పెంచింది. గంటకు 100 కిలోమీటర్ల వేగం నుంచి 120 కిలోమీటర్ల వేగానికి పెంచుతూ తెలంగాణ ప్రభుత్వం నిర్ణయం తీసుకుంది. ఇందుకు సంబంధించి నోటిఫికేషన్‌కు అధికారులు జారీ చేశారు. ఇటీవల ఓఆర్ఆర్ అధికారులు, పోలీసులతో మంత్రి కేటీఆర్ ఓ సమావేశం నిర్వహించారు. ఆ సమావేశంలోనే స్పీడ్ లిమిట్ పెంచుతూ నిర్ణయం తీసుకున్నారు. తాజాగా ఇందుకు సంబంధించి అధికారికంగా ఉత్తర్వులు జారీ చేశారు పోలీసులు.