‌‌Hyderabad : హైదరాబాద్ లో భారీ వర్షం.. రోడ్లపై మొరాయిస్తున్న వాహనాలు

హైదరాబాద్ లో భారీ వర్షం కురుస్తోంది. దాదాపు గంటన్నర నుంచి భారీవర్షం నమోదవుతుంది. అనేక చోట్ల అత్యధిక వర్షంపాతం నమోదయిందని వాతావరణ శాఖ తెలిపింది. కూకట్‌పల్లి హౌసింగ్ బోర్డు కాలనీ, కూకట్‌పల్లి, గచ్చిబౌలి, మాదాపూర్, బోరబండ, యూసఫ్ గూడ, జూబ్లీహిల్ల్, అమీర్‌పేట్, పంజాగుట్ట, రామాంతపూర్, ఉప్పల్, సరూర్ నగర్, ఎల్‌.బి.నగర్, వనస్థలి పురంలలో భారీ వర్షం నమోదయిందని వాతావరణ శాఖ తెలిపింది. ఈ భారీ వర్షంతో లోతట్టు ప్రాంతాలన్నీ జలమయం అయ్యాయి. రహదారులపై నీళ్లు నిలిచిపోవడంతో వాహనదారులు ఇబ్బంది పడుతున్నారు. అనేక చోట్ల భారీ వర్షం కారణంగా విద్యుత్తు సరఫరా నిలిచిపోవడంతో ప్రజలు ఇబ్బంది పడుతున్నారు.