జబర్దస్త్ కమెడియన్ నవ సందీప్ అరెస్ట్

నవ సందీప్‌కు 2018లో వాట్సాప్ చాటింగ్ ద్వారా ఓ 28 ఏళ్ల యవతి పరిచయమైంది. ఆ పరిచయం కాస్తా ఇద్దరి మధ్య ప్రేమగా మారింది. ఆ తర్వాత ఇద్దరూ చాలా కాలం పాటు రిలేషన్ షిప్ లో ఉన్నారు. ఈ విషయం అమ్మాయి ఇంట్లో తెలియడంతో ఆమెను సందీప్ హైదరాబాద్ రప్పించాడు. షేక్పేట్‌లోని అల్ హమారా కాలనీలోని ఓ హాస్టల్లో ఉంచాడు. నాలుగు సంవత్సరాలుగా ఆ అమ్మాయి ఆ హాస్టల్‌లోనే ఉంటోంది. ఈ క్రమంలోనే ఇద్దరు శారీరంకంగా కూడా దగ్గరయ్యారు. తనను పెళ్లి చేసుకుంటానని నమ్మించిన సందీప్ ఆ తర్వాత నువ్వంటే ఇష్టం లేదని, వేరే అమ్మాయిని పెళ్లి చేసుకుంటానని చెప్పాడు. దీంతో బాధితురాలు గోల్కొండ పోలీసులను ఆశ్రయించింది. తనను శారీరకంగా వాడుకొని మోసం చేశాడని ఫిర్యాదు చేసింది. ఆమె ఫిర్యాదు మేరకు గోల్కొండ పోలీసులు జీరో ఎఫ్ఐఆర్ నమోదు చేశారు. అనంతరం కేసును మధురానగర్ పోలీసుస్టేషన్‌కు కేసును బదిలీ చేశారు.