మోదీ హైదరాబాద్‌లో ఉండగానే కవిత అరెస్ట్

అయితే ఇదే సమయంలో బంజారాహిల్స్ లో కవిత నివాసంలో ఈడీ సోదాలు ముగిసిన తర్వాత ఆమెకు అరెస్ట్ వారెంట్ జారీ చేశారు. అయితే ట్రాన్సిట్ వారెంట్ ఇవ్వకుండా ఎలా అరెస్ట్ చేస్తారంటూ మాజీ మంత్రులు కేటీఆర్, హరీశ్‌రావులు ఈడీ అధికారులతో వాగ్వాదానికి దిగారు. న్యాయపరంగా చిక్కులు ఎదుర్కొనాల్సి ఉంటుందని కూడా వారు అధికారులను హెచ్చరించారు. అయితే కవితను అరెస్ట్ చేస్తున్నామని ఈడీ అధికారులు ప్రకటించడంతో బయట కార్యకర్తలు ఆందోళనకు దిగారు. కార్యకర్తలు సంయమనం పాటించాలని కేటీఆర్, హరీశ్ రావు కోరారు. కవిత నివాసం నుంచి ఈడీ అధికారులు ప్రత్యేక బందోబస్తు మధ్య శంషాబాద్ ఎయిర్‌పోర్టుకు తీసుకెళ్లారు.