NoroVirus: ఓల్డ్ సిటీలో నోరో వైరస్ కలకలం

హైదరాబాద్ పాతబస్తీలో నోరోవైరస్ కేసులు నమోదవుతున్నాయి. గ్యాస్ట్రోఎంటెరిటిస్‌కు అత్యంత సాధారణ కారణమైన ఈ వైరస్.. మధ్య వయస్కులు, సీనియర్ సిటిజన్‌లు, గర్భిణీలు, కౌమారదశలో ఉన్న బాలికలలో తీవ్రమైన కిడ్నీ ఇన్ఫెక్షన్స్ ను కలిగిస్తోందని వైద్యులు తెలిపారు. విరోచనాలు , వాంతులు, శరీరం వేగంగా డీహైడ్రేషన్ అవ్వడంతో మూత్రపిండాలు దెబ్బతినే ప్రమాదం ఉంది. రోగులను డయాలసిస్‌కు వెళ్లేలా చేస్తుంది కూడా. మధుమేహ వ్యాధిగ్రస్తులు ఆహారం, నీరు, కలుషితమైన ఉపరితలాల ద్వారా వ్యాపించే ఈ వైరస్‌కు గురవుతారు. నోరోవైరస్ సోకిన రోగి, ఇతరుల మధ్య మానవ సంబంధాల ద్వారా కూడా ఈ వైరస్ వ్యాపిస్తుంది. పురానీ హవేలీ, షా అలీ బండాలోని ఆసుపత్రుల్లో పలువురు రోగులు ఈ వైరస్ బారిన పడినట్లు వైద్యులు తెలిపారు.