Narendra Modi : హైదరాబాద్‌లో మోదీ రోడ్ షో.. మూడు కిలోమీటర్ల మేరకు

దారిపొడువునా ప్రజలు మోదీపై పూలవర్షం కురిపించారు. పార్టీ అభిమానులు, కార్యకర్తలు వేలసంఖ్యలో హాజరై రోడ్డుకు ఇరువైపులా నిల్చుని మోదీని ప్రత్యక్షంగా చూసేందుకు ప్రయత్నించారు. డప్పులు, మంగళవాయిద్యాల మధ్య ప్రధాని రోడ్ షో మూడు కిలోమీటర్ల మేర సాగింది. ప్రధాని నరేంద్ర మోదీ తెలంగాణ ఎన్నికల ప్రచారం నిమిత్తం మూడు రోజుల నుంచి ఇక్కడే ఉన్నారు. వివిధ బహిరంగ సభల్లో పాల్గొన్నారు. మధ్యలో తిరుమల శ్రీవారి దర్శనం చేసుకుని వచ్చిన మోదీ ఈరోజు రోడ్ షో అనంతరం తిరిగి రాత్రికి ఢిల్లీ బయలుదేరి వెళ్లనున్నారు. రేపటితో తెలంగాణ ఎన్నికల ప్రచారం ముగియనుండటంతో మూడు రోజుల మోదీ ప్రచారం ఏ మేరకు ప్రయోజనం చేకూరుతుందన్నది చూడాలి.