ట్యాంక్ బండ్ పై ఉద్రిక్తత

హైదరాబాద్ జంటనగరాల్లో వినాయక నిమజ్జనానికి సంబంధించి తెలంగాణ హైకోర్టు కీలక వ్యాఖ్యలు చేసింది. ట్యాంక్ బండ్ పై పీవోపీ విగ్రహాలను నిమజ్జనం చేయొద్దని.. ఈ విషయంలో గతంలో ఇచ్చిన హామీని నిలబెట్టుకోవాలని తెలంగాణ ప్రభుత్వానికి సూచించింది. పీవోపీ విగ్రహాల నిమజ్జనానికి కృత్రిమ కొలనులు ఏర్పాటు చేయాలని సూచించింది. ఇందుకు సంబంధించి ఏర్పాట్లు చూడాలని, పీవోపీ విగ్రహాల నిమజ్జనం విషయంలో తగు చర్యలు తీసుకోవాలని అధికారులకు సూచించింది. ఈ ఏర్పాట్లకు సంబంధించి కోర్టుకు నివేదిక సమర్పించాలని కోరింది. హుస్సేన్‌సాగర్‌, చెరువుల్లో పీఓపీ తో చేసిన రంగు విగ్రహాలను నిమజ్జనం చేయొద్దని హైకోర్టు తీర్పు ఇచ్చిన నేపథ్యంలో జీహెచ్‌ఎంసీ మినీ కొలనులు సిద్ధం చేసింది. భారీ విగ్రహాలు మినహా ఎక్కడికక్కడే వినాయక ప్రతిమలను నిమజ్జనం చేసేలా మినీ కొలనులలో అధికారులు ప్రత్యేక ఏర్పాట్లు చేశారు.