‌Hyderabad : ఈ రోడ్డుపై గుంట ఉన్నది జాగ్రత్త...ఎప్పుడు పూర్తి చేస్తారు సామీ?

మురుగు నీరు బయటకు రావడంతో దుర్వాసన వెలువడుతోంది. శనివారం మొదలుపెట్టినా ఇంకా అవి కొలిక్కి రాలేదు. దీంతో వాహనాలను ఈ దారిలో పంపించకుండా పోలీసులు బ్యారికేడ్లను నిర్మించారు. ప్రత్యామ్నాయ మార్గాల ద్వారా వెళ్లాలని సూచిస్తున్నారు. దాదాపు ఐదువందల కుటుంబాలు ఈ రహదారి నుంచే మెయిన్ రోడ్డుకు చేరుకోవాల్సి ఉండగా ఈ మురికి నీటి గుంతతో ఇబ్బందిగా మారిందని స్థానికులు వాపోతున్నారు. దీనివల్ల ట్రాఫిక్ సమస్య తలెత్తుతుందని చెబుతున్నారు. డ్రైనేజీ పైపులైను పగిలి క్రమంగా అది పెద్దదిగా మారి ఉండవచ్చని అధికారులు చెబుతున్నారు. స్థానికులు అయితే వెంటనే దీనిని మరమ్మతులు చేయాలని కోరుతున్నారు.