మహిళా ప్రయాణికులకు టీఎస్‌ఆర్టీసీ గుడ్‌న్యూస్‌

మహిళా ప్రయాణికులకు టీఎస్‌ఆర్టీసీ గుడ్‌న్యూస్‌ చెప్పింది. మహిళల కోసం లేడీస్‌ స్పెషల్‌ బస్సులను తీసుకుని వచ్చారు. కోఠి-కొండాపూర్ మార్గంలో లేడీస్ స్పెషల్ బస్సు ఏర్పాటు చేసింది టీఎస్‌ఆర్టీసీ. లేడీస్‌ స్పెషల్‌ బస్సును ఆగస్టు 21 (సోమవారం) నుంచి ప్రారంభించనున్నట్లు అధికారిక ప్రకటన వచ్చింది. ప్రతి రోజు ఉదయం 8.50 గంటలకు కోఠి నుంచి బయలుదేరి లక్డికాపుల్, మసబ్ ట్యాంక్, ఎమ్మెల్యే కాలనీ, ఉషాకిరణ్, గుట్టల బేగంపేట్, శిల్పారామం, కొత్తగూడ ఎక్స్‌రోడ్స్ మీదుగా కొండాపూర్‌కి వెళ్తుంది. తిరిగి సాయంత్రం 5:45 గంటలకు కొండాపూర్ నుంచి అదే మార్గంలో కోఠికి రానుంది. మహిళా ప్రయాణికులు ఈ సదుపాయాన్ని వినియోగించుకోవాలని.. క్షేమంగా, సురక్షితంగా గమ్యస్థానాలకు చేరుకోవాలని ఆర్టీసీ ఎండీ సజ్జనార్ తన ట్విట్టర్ ద్వారా తెలిపారు.