Tue Nov 19 2024 04:33:39 GMT+0000 (Coordinated Universal Time)
హైదరాబాద్ కేంద్రంగా పోర్న్ గ్యాంగ్.. చైల్డ్ పోర్న్ వీడియోల అప్లోడ్
ఫార్వర్డ్ చేసిన మరో ఇద్దరిని కూడా పోలీసులు అరెస్టు చేశారు.
హైదరాబాద్ లో పోర్న్ వీడియోల కలకలం మొదలైంది. హైదరాబాద్ కేంద్రంగా పోర్న్ గ్యాంగ్ చిన్నారుల పోర్న్ వీడియోలను అప్లోడ్ చేస్తున్నట్టు అమెరికాలోని సైబర్ టిప్‌లైన్ ద్వారా తెలంగాణ సిఐడి అధికారులకు అందడంతో అధికారులు రంగంలోకి దిగారు.
చైల్డ్ పోర్న్ నేరగాళ్ళను అడ్డుకోడానికి ఏర్పాటైన సైబర్ టిప్ లైన్ తెలంగాణలో మూడు చైల్డ్‌పోర్న్‌ కేసులను గుర్తించింది. హైదరాబాద్లోని పలు ప్రాంతాల నుంచి చైల్డ్ పోర్న్ వీడియోస్‌ని అప్లోడ్ చేస్తున్నట్టు సైబర్ టిప్ లైన్ గుర్తించారు. త్వరలోనే వీరిపై కేసులు నమోదు చేయనున్నారు. గత కొన్నేళ్ళుగా చైల్డ్ పోర్న్ వీడియోస్ పై నిఘా పెట్టిన సైబర్ టిప్ లైన్.. అప్లోడ్ చేసిన వీడియోస్ అధారంగా హైదరాబాద్ లో మూడు ఐపి అడ్రేస్ ల ద్వారా చైల్డ్ పోర్న్ వీడియోలు అప్లోడ్ చేసినట్టు గుర్తించింది. ఐపీ అడ్రస్‌ల ద్వారా నేరస్తులను గుర్తించారు హైదరాబాద్ పోలీసులు. రసూల్‌ పురా, టోలిచౌకి, వారాసి గూడా ప్రాంతాల నుంచి వీడియోస్ అప్లోడ్ చేసినట్టు హైదరాబాద్ పోలీసులు గుర్తించారు. రసూల్‌ పురా, టోలిచౌకి, వారాసి గూడా ఏరియాల నుంచి 2017, 2019, 2020 లలో విడియోలు అప్లోడ్ చేశాయి ఈ చైల్డ్‌పోర్న్‌ ముఠాలు. త్వరలోనే వీరి పై పోలీసులు కేసులు నమోదు చేయనున్నారు. 2021 లో హైదరాబాద్ లో చైల్డ్‌పోర్న్‌ వీడియోస్ అప్లోడ్ చేస్తోన్న 16 మందిని అరెస్ట్ చేశారు సైబర్ క్రైమ్ పోలీసులు. 2020 లో అప్లోడ్ చేసిన వీడియోలను ఫార్వర్డ్ చేసిన మరో ఇద్దరిని కూడా పోలీసులు అరెస్టు చేశారు. ఇప్పుడు మరో మూడు కేసులను గుర్తించింది సైబర్ టిప్ లైన్.
News Summary - US agency tips off on 3 child porn video uploaders in Hyderabad
Next Story
