విశాఖపట్నం-సికింద్రాబాద్ వందేభారత్ ఎక్స్ ప్రెస్ రద్దు

విశాఖపట్నం-సికింద్రాబాద్ వందే భారత్ ఎక్స్‌ప్రెస్‌ను కొన్ని సాంకేతిక సమస్యల కారణంగా గురువారం రద్దు చేశారు. దీంతో పలువురు ప్రయాణికులు తీవ్ర అసౌకర్యానికి గురయ్యారు. రైలు నంబర్ 20833 విశాఖపట్నం-సికింద్రాబాద్ వందే భారత్ ఎక్స్‌ప్రెస్ ఉదయం 5.45 గంటలకు బయలుదేరాల్సి ఉంది. అయితే రద్దు చేసినట్లు ఉదయం 5 గంటలకు తమకు సమాచారం అందిందని ప్రయాణికులు వాపోయారు. ఈస్ట్ కోస్ట్ రైల్వేలోని వాల్తేరు డివిజన్ విశాఖపట్నం నుండి సికింద్రాబాద్‌కు వందేభారత్ ఎక్స్‌ప్రెస్‌తో పాటు అదే మార్గంలో ప్రత్యేక రైలును నడుపుతూ ప్రయాణికుల కోసం ప్రత్యామ్నాయ ఏర్పాట్లు చేసింది. అసౌకర్యానికి చింతిస్తున్నామని వాల్తేరు డివిజన్ రైల్వే మేనేజర్ అన్నారు. విశాఖపట్నం రైల్వేస్టేషన్ నుంచి ఉదయం 7 గంటలకు ప్రత్యేక రైలు బయలుదేరింది.