ఘోర రైలు ప్రమాదం.. 15 మంది మృతి

కరాచీకి 275 కిలోమీటర్ల దూరంలో ఉన్న స్టేషన్‌కు సమీపంలో రైలు కంపార్ట్‌మెంట్లు బాగా దెబ్బతిన్నాయని అధికారులు తెలిపారు. రెస్క్యూ సిబ్బంది, పోలీసులు పట్టాలు తప్పిన కంపార్ట్‌మెంట్ల నుండి ప్రజలను బయటకు తీయడానికి ప్రయత్నిస్తున్నారు. హజారా ఎక్స్‌ప్రెస్‌ కరాచీ నుంచి అబోటాబాద్‌కు వెళ్తుండగా ఈ ప్రమాదం జరిగింది. దక్షిణ సింధ్ ప్రావిన్స్‌లోని నవాబ్షా నగరంలోని సహారా రైల్వే స్టేషన్ సమీపంలో పట్టాలు తప్పినట్లు స్థానిక మీడియా తెలిపింది. ఈ ప్రమాదంలో ఓ కోచ్‌ పూర్తిగా బోల్తా పడింది. దీంతో 15 మంది ప్రయాణికులు అక్కడికక్కడే మృతి చెందారు.

పాకిస్తాన్ సైన్యం, రేంజర్లు ప్రమాద స్థలంలో సహాయక చర్యలు ప్రారంభించినట్లు ప్రభుత్వ రేడియో పాకిస్తాన్ నివేదించింది. ఆర్మీ చీఫ్ జనరల్ అసిమ్ మునీర్ ప్రత్యేక ఆదేశాల మేరకు రెస్క్యూ ఆపరేషన్ ప్రారంభించారు. సహాయక చర్యలకు అదనపు బలగాలను రప్పించారు. గాయపడిన వారిని రక్షించేందుకు ఆర్మీ హెలికాప్టర్లు కూడా ఘటనాస్థలికి చేరుకుంటున్నాయి.