మళ్లీ కరోనా పంజా.. అక్కడ పరిస్థితి మనకు హెచ్చరిక?

ఇక ఇంగ్లండ్‌లో కొవిడ్‌-19 కొత్త వేరియంట్‌ అక్కడి ప్రజలను టెన్షన్ పెడుతూ ఉంది. ‘ఈజీ.5.1’ కేసులు వేగంగా వ్యాప్తి చెందుతోందని ఆరోగ్యశాఖ అధికారులు పేర్కొన్నారు. కొవిడ్‌-19లో ఒమిక్రాన్‌ రకం నుంచి వచ్చిన ఈజీ.5.1 అనే కొత్త వేరియంట్‌ కేసులు బ్రిటన్‌లో ఎక్కువగా నమోదవుతున్నాయి. ఒమిక్రాన్‌ ఈజీ.5.1 వేరియంట్‌ను తొలుత జులై నెలలో గుర్తించారు. ఇంగ్లండ్‌లో నమోదవుతున్న కేసుల్లో ఈ వేరియంట్‌ వాటా 14.6 శాతంగా ఉందని ఆరోగ్యశాఖ అధికారులు తెలిపారు. అంతర్జాతీయంగా కూడా ఒమిక్రాన్‌ ఈజీ.5.1 కేసులు పెరుగుతున్నాయని ఆరోగ్యశాఖ అధికారులు తెలిపారు. ప్రజలు జాగ్రత్తగా ఉండాలంటూ ప్రపంచ ఆరోగ్య సంస్థ (డబ్ల్యూహెచ్‌వో) హెచ్చరిస్తోంది. కోవిడ్-19 బారిన పడిన చాలా మంది వ్యక్తులు జ్వరం, దగ్గు, తలనొప్పి వంటి ఫ్లూ లాంటి లక్షణాలు ఉంటాయి. రోగులు తగినంత విశ్రాంతి తీసుకోవాలి, ద్రవాలు ఎక్కువగా త్రాగాలని నిపుణులు సూచించారు.