3 సంవత్సరాల తర్వాత FBI తప్పిపోయిన వ్యక్తుల జాబితాలో భారతీయ మహిళ

ఫెడరల్ బ్యూరో ఆఫ్ ఇన్వెస్టిగేషన్.. మూడేళ్ళ క్రితం న్యూజెర్సీ నుండి తప్పిపోయిన 28 ఏళ్ల భారతీయ మహిళను "తప్పిపోయిన వ్యక్తుల" జాబితాలో చేర్చింది. ఆమె ఆచూకీ గురించి తెలియజేయాలని ప్రజల నుండి సహాయం కోరుతోంది. మయూషి భగత్ చివరిసారిగా ఏప్రిల్ 29, 2019 సాయంత్రం న్యూజెర్సీలోని జెర్సీ సిటీలోని తన అపార్ట్మెంట్ నుండి బయలుదేరారు. ఆమె చివరిగా రంగురంగుల పైజామా ప్యాంటు, నల్లటి టీ-షర్ట్ ధరించి కనిపించింది. మే 1, 2019న భగత్ తప్పిపోయినట్లు ఆమె కుటుంబ సభ్యులు నివేదించారు. ఆమె 5 అడుగుల 10 అంగుళాల పొడవు, నల్లటి జుట్టు, గోధుమ రంగు కళ్లతో ఉంది. భగత్ 2016లో ఎఫ్1 స్టూడెంట్ వీసాపై అమెరికాకు వచ్చింది. FBI విడుదల చేసిన సమాచారం ప్రకారం, ఆమె న్యూ హాంప్‌షైర్ విశ్వవిద్యాలయంలోనూ, ఆ తర్వాత న్యూయార్క్ ఇన్‌స్టిట్యూట్ ఆఫ్ టెక్నాలజీ (NYIT)లోనూ అడ్మిషన్ తీసుకుంది.