israel - Iran War - ఇజ్రాయిల్ పై విరుచుకుపడిన ఇరాన్... బాంబుల మోతతో దద్దరిల్లిన దేశం

హెజ్‌బుల్లా నేతల హత్యలకు ప్రతీకారంగా ఇరాన్ ఈ దాడులు జరిగాయి. ఇటీవల లెబనాన్ పై దాడులతో హెజ్‌బుల్లాకు చెందిన ముఖ్యనేతలందరూ ప్రాణాలు విడిచారు. ఇరాన్ యుద్ధానికి దిగడంతో ఇజ్రాయిల్ రక్షణ మంత్రివర్గం అత్యవసర సమావేశం నిర్వహించింది. ఈ దాడులకు ఇరాన్ పాల్పడినట్లు ఇజ్రాయిల్ డిఫెన్స్ ఫోర్సెస్ కూడా ఎక్స్ లో నిర్ధారించాయి. ఇరాన్ కూడా ఈ దాడులకు తామే కారణమని నిర్ధారణ చేసింది. పదుల సంఖ్యలో బాలిస్టిక్ క్షిపణులు ప్రయోగించినట్లు అఫిషియల్‌గా ప్రకటించడంతో పాటు ఇజ్రాయిల్ కు ఇరాన్ హెచ్చరికలు కూడా జారీ చేసింది. తమపై ప్రతీకార దాడులకు దిగితే మరోసారి దాడులు తప్పవని వార్నింగ్ ఇచ్చింది.

అయితే అమెరికా హెచ్చరికలను ఇరాన్ పూర్తిగా పెడ చెవిన పెట్టి దాడులకు దిగింది. కానీ ఇరాన్ తో తాము ప్రమాదం ముందుగా ఊహించలేకపోయామని ఇజ్రాయిల్ మిలటరీ అంగీకరించింది. ఇక తాము కూడా రక్షణ వ్యవస్థను పటిష్టంగా ఉండేలా ఏర్పాట్లు చేసుకున్నట్లు ఇజ్రాయిల్ ప్రకటించింది. దీంతో దక్షిణాసియాలో ఎప్పుడు ఏం జరుగుతుందోనన్న టెన్షన్ నెలకొంది. అమెరికా కూడా ఇజ్రాయిల్ మద్దతు తెలపడంతో భీకర యుద్ధానికి ప్రారంభం జరిగిందని అంతర్జాతీయ నిపుణులు చెబుతున్నారు. మరో వైపు లెబనాన్ కూడా దాడులను ప్రారంభించింది. ఇప్పటి వరకూ వైమానిక దాడులకే పరిమితమయిన ఇజ్రాయిల్ ఇక గ్రామాలపై దాడులు ప్రారంభించడంతో టెన్షన్ వాతావరణం నెలకొంది. పరిస్థితి నివురుగప్పిన నిప్పులా ఉంది. ఎప్పుడు ఏం జరుగుతుందోనని ప్రజలు ప్రాణాలు అరచేతిలో పెట్టుకుని బతుకుతున్నారు.