24 గంటల్లో 10సార్లు కోవిడ్ వ్యాక్సిన్.. సిబ్బంది తప్పు కాదు
ఒక వ్యక్తి మాత్రం 24 గంటల్లో 10 సార్లు కోవిడ్ వ్యాక్సిన్లు వేయించుకున్నాడు. ఈ ఘటన న్యూజిలాండ్ లో వెలుగుచూసింది.
కోవిడ్ -19 వ్యాక్సిన్లు వచ్చి సుమారుగా ఏడాది కావస్తోంది. ప్రపంచమంతా శరవేగంగా వ్యాక్సినేషన్ ప్రక్రియ జరుగుతోంది కానీ.. ఇంకా చాలా ప్రాంతాల్లో చాలా మంది వ్యాక్సిన్ వేయించుకునేందుకు పెద్దగా ఆసక్తి చూపించడం లేదు. వ్యాక్సిన్ వేయించుకుంటే లేనిపోని రోగాలొస్తాయని, ఏదో జరుగుతుందని అపోహలో ఉన్నారు. కానీ ఒక వ్యక్తి మాత్రం 24 గంటల్లో 10 సార్లు కోవిడ్ వ్యాక్సిన్లు వేయించుకున్నాడు. ఈ ఘటన న్యూజిలాండ్ లో వెలుగుచూసింది. అయితే ఇది మెడికల్ సిబ్బంది తప్పిదం కాదు. ఆ వ్యక్తే కావాలని వేర్వేరు గుర్తింపు కార్డులతో పలుచోట్ల వ్యాక్సిన్లు వేయించుకున్నాడు. ఈ విషయం కాస్తా ఆరోగ్య శాఖ దృష్టికి వెళ్లడంతో అది నిజమేనా ? కాదా ? అని నిర్థారించడానికి రంగంలోకి దిగారు అధికారులు. న్యూజిలాండ్ ఆరోగ్య మంత్రిత్వ శాఖ స్వయంగా రంగంలోకి దిగి దర్యాప్తు చేయడంతో.. అది నిజమేనని తేలిందట. సదరు వ్యక్తి వేర్వేరు గుర్తింపు కార్డులతో వ్యాక్సిన్లు తీసుకున్నాడని సాక్షాత్తు ఆరోగ్యశాఖ అధికారులే నిర్ధారించారు.
