నో ఫ్లై లిస్టులో ఇమ్రాన్ ఖాన్

బెయిల్ పై విడుదలైన ఇమ్రాన్ ఖాన్ దేశం విడిచిపారిపోకుండా ఉండేందుకు అతని పేరును నో ఫ్లై లిస్టులో చర్చింది పాక్ ప్రభుత్వం. ఆయనతో పాటు భార్య బుష్రా బీబీ, ఇమ్రాన్ పార్టీ పీటీఐకి చెందిన పలువురు నేతల పేర్లను కూడా నో ఫ్లై జాబితాలో చేర్చింది. తన పేరును నో ఫ్లై లిస్టులో చేర్చడంపై ఇమ్రాన్ స్పందించారు. తాను దేశం విడిచి పారిపోవడానికి.. ఇతర దేశాల్లో తనకు ఆస్తులు, వ్యాపారాలు లేవని.. బ్యాంక్ అకౌంట్లు కూడా లేవన్నారు. తనను నో ఫ్లై జాబితాలో చేర్చినందుకు కృతజ్ఞతలు తెలిపారు. పాక్ మీడియా కథనం ప్రకారం 600 మంది పీటీఐ నేతలను ప్రభుత్వం నో ఫ్లై లిస్టులో చేర్చినట్టు సమాచారం. పీటీఐ పార్టీనే లేకుండా చేయాలని పాక్ ప్రభుత్వం భావిస్తోంది. మే 9న జరిగిన హింసను దృష్టిలో ఉంచుకుని, పీటీఐ పార్టీపై నిషేధం విధించే అంశాన్ని పరిశీలిస్తున్నామని పాకిస్థాన్ రక్షణ మంత్రి ఖవాజ ఆసిఫ్ తెలిపారు.