దక్షిణాఫ్రికాలో పెను విషాదం.. గనుల్లో చిక్కుకుని వంద మంది మృతి

దక్షిణాఫ్రికాలో పెను విషాదం సంభవించింది. బంగారు గనుల్లో చిక్కుకుని దాదాపు వంద మంది కార్మికులు మృతి చెందారు. ఈ ఘటన ఆ దేశంలో పెను విషాదన్ని నింపింది. బంగారు గనుల్లో తవ్వకాలు చేపట్టడం మామూలే అయినా అక్కడ అత్యంత ప్రమాదకరమైన పరిస్థితుల్లో బంగారు తవ్వకాలు జరుపుతున్నారని ఆరోపణలున్నాయి. బంగారు గనుల్లో చిక్కుకుపోయిన వారిని బయటకు తీసుకు వచ్చేందుకు ప్రభుత్వం అనేక రకాలుగా ప్రయత్నించినా ఫలితం లేకుండా పోయిందని చెబుతున్నారు. తొలుత ప్రభుత్వం కూడా అక్కడ సహాయక చర్యలు చేపట్టేందుకు ముందుకు రాలేదు. అయితే సివిల్ అసోసియేషన్ల వత్తిడితో ప్రభుత్వం దిగి వచ్చి గనుల్లోకి క్రేన్లను పంపింది.