కిండర్ జాయ్ చాక్లెట్లను తిని అస్వస్థతకు గురైన చిన్నారులు

బెల్జియం : కిండర్ జాయ్.. పిల్లలకు ఎంతో ఇష్టమైన తినుబండారం. చాకొలేట్ తో నిండిన ఈ ఎగ్ షేప్ వస్తువు అంటే పిల్లలు కూడా ఎంతో ఆసక్తి కనబరుస్తూ ఉంటారు. అందులో ఇక ఆట వస్తువు కూడా ఉండడంతో తల్లిదండ్రులు కూడా పిల్లలకు ఎక్కువగా వాటిని కొనిస్తూ ఉంటారు. తాజాగా కిండర్ జాయ్ చాక్లెట్లను తిని చిన్నారులు అస్వస్థతకు గురయ్యారనే వార్త తల్లిదండ్రులను కలవరపెడుతోంది. అయితే ఈ ఘటన మన దేశంలో చోటు చేసుకున్నది కాదు. బెల్జియంలోని అర్లోన్ నగరంలో..! అక్కడ ఫెర్రెరో కార్పొరేట్ ప్లాంట్‌లో తయారైన కిండర్ జాయ్ చాక్లెట్లను తిని 151 మంది చిన్నారులు అస్వస్థతకు గురయ్యారు. అతిసారం, వాంతులతో ఇబ్బందులు పడడాన్ని గమనించిన చిన్నారుల తల్లిదండ్రులు వారిని ఆస్పత్రికి తరలించి, చికిత్స అందిస్తున్నారు.