DIRTIEST MAN: ప్రపంచంలోనే అత్యంత మురికి వ్యక్తి కన్నుమూత.. ఎలా చనిపోయాడంటే..?
దశాబ్దాలుగా స్నానం చేయని కారణంగా "ప్రపంచంలోని అత్యంత మురికి మనిషి" అని పేరుపొందిన ఇరాన్ వ్యక్తి అమౌ హాజీ కన్నుమూశారు. ఆయన వయస్సు 94. ఆదివారం డేజ్‌గా గ్రామంలో మరణించినట్లు న్యూయార్క్ పోస్ట్ ప్రభుత్వ మీడియాను ఉటంకిస్తూ నివేదించింది. అమౌ హాజీ నీటికి భయపడి 60 ఏళ్లుగా స్నానం చేయలేదు. అక్టోబరు 23న (ఆదివారం) ఇరాన్‌లోని దక్షిణ ప్రావిన్స్ ఫార్స్‌లోని డెజ్‌గా గ్రామంలో తుదిశ్వాస విడిచినట్లు మీడియా సంస్థలు తెలిపారు. హాజీ ఒంటరిగా నివసిస్తూ ఉండేవాడు. అనారోగ్యానికి గురవుతాననే భయంతో స్నానం చేయడం మానుకున్నాడు. అయితే కొద్ది నెలల క్రితం అతడికి గ్రామస్తులు బలవంతంగా స్నానం చేయించారు. హాజీపై 2013లో ఓ డాక్యుమెంటరీ కూడా వచ్చింది. 60 ఏళ్లుగా స్నానానికి దూరమై మురికితో పూర్తిగా దుమ్ముకొట్టుకుపోయిన హాజీకి ఇటీవల గ్రామస్థులందరూ కలిసి బలవంతంగా స్నానం చేయించారు. అది జరిగిన కొన్ని రోజులకే ఆయన మృతి చెందాడు.
