సీఎస్ కే పగ్గాలు మళ్లీ ధోనీకే !

"తన ఆటపై మరింత దృష్టి నిలిపేందుకు వీలుగా కెప్టెన్సీ వదులుకోవాలని జడేజా నిర్ణయించుకున్నాడు. ఈ క్రమంలో, మళ్లీ పగ్గాలు స్వీకరించాల్సిందిగా ధోనీని కోరాడు. జట్టుకు సంబంధించి విస్తృత ప్రయోజనాల నేపథ్యంలో మరోసారి నాయకత్వం వహించేందుకు ధోనీ అంగీకరించాడు" అంటూ సీఎస్కే యాజమాన్యం ట్వీట్ చేసింది. చెన్నై సూపర్ కింగ్స్ ఈ సీజన్ లో ఇప్పటిదాకా 8 మ్యాచ్ లు ఆడగా.. ఆ జట్టు గెలిచింది రెండు మ్యాచ్ లే. డిఫెండింగ్ ఛాంపియన్ పాయింట్ల పట్టికలో ఆఖర్లో ఉండడంతో జడేజాపై తీవ్ర ఒత్తిడి ఉంది. అందుకే ధోనికే పగ్గాలు తిరిగి అప్పగించారు.

చాలా సంవత్సరాలుగా జట్టుకు స్టార్ పెర్ఫార్మర్‌గా ఉన్న జడేజా, ఈ సీజన్‌లో పెద్దగా ప్రభావం చూపలేకపోయాడు. ఎనిమిది గేమ్‌లలో 112 పరుగులు, ఐదు వికెట్లు (సగటు 42, 8.19 ఎకానమీ రేట్) మాత్రమే చేశాడు. అద్భుతమైన ఫీల్డర్ అయిన జడేజా క్యాచ్‌లను కూడా విడిచిపెట్టడం మనం చూశాం. CSK ప్రస్తుతం ఎనిమిది గేమ్‌లలో రెండు విజయాలతో తొమ్మిదో స్థానంలో ఉంది. ప్లే-ఆఫ్స్‌లో బెర్త్ కోసం తక్కువ ఛాన్స్ లే ఉండడంతో.. ధోని తిరిగి బాధ్యతలు చేపడితే అవకాశాలు మెరుగుపడడం పెద్ద కష్టం కాదనే అభిప్రాయం ఫ్రాంచైజీ మేనేజ్‌మెంట్‌లో ఉంది.