పిల్లాడు కాదు.. చిచ్చర పిడుగు

ఐపీఎల్ ఈ సీజన్‌లో ఎంతో మంది యువ ఆటగాళ్లు రాణిస్తున్నారు. వారిలో యశస్వి జైశ్వాల్ ఒకడు. పేద కుటుంబం నుంచి క్రికెటర్‌‌గా ఎదిగిన జైశ్వాల్ జీవితం అందరికీ ఆదర్శం. పట్టుదల ఉంటే సాధించలేనిది ఏమీ ఉండదన్నది యశస్వి రుజువు చేశాడు. నిన్న ముంబయితో జరిగిన మ్యాచ్‌లో రాజస్థాన్ రాయల్స్ ఓడిపోయి ఉండవచ్చు. కానీ యశస్వి ఆట మాత్రం అద్భుతహ: అని చెప్పడంలో ఏమాత్రం సందేహం లేదు. టీ 20లలో అత్యధిక పరుగులు చేసిన క్రికెటర్‌గా రికార్డులకు ఎక్కారు. ఆరెంజ్ క్యాప్ ధరించడానికి రెడీగా ఉన్నాడు. ఇప్పటి వరకూ ఈ ఐపీఎల్ సీజన్‌లో బ్రూక్, వెంకటేష్ అయ్యర్, యశస్వి జైశ్వాల్‌లు మాత్రమే సెంచరీలు చేశారు.