Jobs: నిరుద్యోగులకు గుడ్ న్యూస్.. భారీగా ఉద్యోగావకాశాలు

Jobs:ఏలూరులో జాబ్ మేళాను నిర్వహిస్తూ ఉన్నారు. రాష్ట్ర నైపుణ్యాభివృద్ధి సంస్థ, సీడాప్‌, జిల్లా ఉపాధి కార్యాలయం సంయుక్త ఆధ్వర్యంలో ఫిబ్రవరి 28న రీజనల్‌ జాబ్‌ మేళా నిర్వహించనున్నట్టు జిల్లా నైపుణ్యాభివృద్ధి అధికారి గంటా సుధాకర్‌ తెలిపారు. రాజమహేంద్రవరంలోని మార్గాని ఎస్టేట్‌లో జాబ్‌ మేళాలో ఏలూరు, పశ్చిమగోదావరి, తూర్పుగోదావరి, డాక్టర్‌ బీఆర్‌ అంబేడ్కర్‌ కోనసీమ, కాకినాడ జిల్లాలకు చెందిన నిరుద్యోగులు పాల్గొనవచ్చని సూచించారు. సుమారు 100కు పైగా కంపెనీల్లో దాదాపు 5 వేల మందికి ఉద్యోగావకాశాలు కల్పిస్తారని తెలిపారు. టెన్త్‌, ఇంటర్‌, ఐటీఐ, పాలిటెక్నిక్‌, డిగ్రీ, ఇంజనీరింగ్‌, పీజీ విద్యార్హతలు కలిగి 18 నుంచి 35 ఏళ్లలోపు వారు అర్హులని పేర్కొన్నారు. వివరాలకు సెల్‌ 9666322032, 9652503799 లేదా టోల్‌ ఫ్రీ నంబర్‌ 9988853335లో సంప్రదించాలని కోరారు.