Fri Nov 22 2024 08:13:29 GMT+0000 (Coordinated Universal Time)
Madhulatha: మధులతకు అండగా ఉంటాం: తెలంగాణ సీఎం
ఐఐటీ పాట్నాలో అడ్మిషన్ పొందిన రాజన్న సిరిసిల్లకి చెందిన గిరిజన విద్యార్థిని
ఐఐటీ పాట్నాలో అడ్మిషన్ పొందిన రాజన్న సిరిసిల్లకి చెందిన గిరిజన విద్యార్థిని బాదావత్ మధులత ఎదుర్కొంటున్న ఆర్థిక ఇబ్బందులు తెలంగాణ ముఖ్యమంత్రి రేవంత్ రెడ్డి దృష్టికి వెళ్ళింది. ఆదుకుంటామని ముందుకు వచ్చారు. మధులత ప్రస్తుతం హాస్టల్, ఇతర ఖర్చులను భరించలేక చాలా కష్టపడుతోంది. ఆమె పరిస్థితి దృష్ట్యా, ఆమెకు సహాయం చేయడానికి ముఖ్యమంత్రి రూ. 1.5 లక్షల సహాయాన్ని ప్రకటించారు.
మధులత ఐఐటీ పాట్నాలో స్థానం సంపాదించడం విశేషం. షెడ్యూల్డ్ తెగ (ఎస్టీ) కేటగిరీలో ఈ ఏడాది జేఈఈ పరీక్షలో 824వ ర్యాంకు సాధించింది. మధులత హాస్టల్ ఫీజు చెల్లించడంలో ఆర్థిక ఇబ్బందులను ఎదుర్కొన్న దుస్థితిపై భారత రాష్ట్ర సమితి (బీఆర్‌ఎస్) వర్కింగ్ ప్రెసిడెంట్ కెటి రామారావు (కెటిఆర్) కూడా ఇంతకు ముందు స్పందించారు. ఆమె పరిస్థితి గురించి తెలుసుకున్న కేటీఆర్, ఆమె చదువును కొనసాగించడానికి అవసరమైన మద్దతు ఇస్తామని సోషల్ మీడియా వేదికగా హామీ ఇచ్చారు.
Next Story
