India 2024 : ఈ ఏడాది ఇండియాలో క్రికెట్ తర్వాత ప్రొకబడ్డీకే ఆదరణ ఉందా?

అయితే గత కొద్ది రోజులుగా ఇండియాలో ప్రొ కబడ్డీకి కూడా కొంత ఆదరణ లభిస్తుంది. రానురాను ఈ ఆటకు కూడా ఫ్యాన్స్ క్రమంగా పెరుగుతున్నారు. క్రికెట్ తరహాలో టీవీ మాధ్యమాల్లో కూడా ప్రత్యక్ష ప్రసారాలు ఇస్తున్నారు. భారత్ లో బ్యాడ్మింటన్, చెస్, టెన్సిస్ వంటి ఆటలకు కూడా ప్రాధాన్యత లభిస్తున్నప్పటికీ క్రికెట్ తర్వాత అత్యంత ఆదరణ పొందింది ప్రొ కబడ్డీ అని చెప్పక తప్పదు. సెలబ్రిటీలు కోట్లు వెచ్చించి టీం లను కొనుగోలు చేయడం వల్ల దీనికి మరింత క్రేజ్ ఏర్పడింది. కబడ్డీ ఆటగాళ్లకు కూడా ఒకింత ఫ్యాన్స్ పెరుగుతున్నారు. అదే సమయంలో వారి ఆదాయం కూడా పెరుగుతుంది. క్రమంగా కబడ్డీకి భారత్ లో మరింత ఆదరణ పెరుగుతుందన్నఅంచనాలు వినిపిస్తున్నాయి.

2024లో కూడా కబడ్డీకి అత్యంత ఆదరణ లభించిందనే చెప్పాలి. ప్రతి ఏడాది ప్రొకబడ్డీ లీగ్ లు జరుగుతున్నాయి. దేశ వ్యాప్తంగా ఎంపిక చేసిన క్రీడాకారులు ఈ పోటీల్లో పాల్గొనడటంతో పాటు టీమ్ లు గా విడిపోయి మైదానంలో దిగిన తర్వాత చూపించే ఆటతీరుతో ఫిదా అవుతున్నారు. అత్యంత విజయవంతమైన ఆటల్లో ప్రొకబడ్డీ ఒకటిగా మారింది. ఒకప్పుడు గ్రామీణ ప్రాంతానికే పరిమితమయిన కబడ్డీ నేడు విశ్వవ్యాప్తం చేసేందుకు సన్నాహాలు జరుగుతున్నాయి. ఇండియన్ ప్రీమియర్ లీగ్ తర్వాత భారతదేశంలో రెండవ అత్యంత ప్రజాదరణ పొందిన స్పోర్టింగ్ లీగ్‌లో ఒకటిగా మారింది. ఇక్కడ కూడా అనేక జట్లుపోటీ పడుతుండటంతో పాటు వ్యూయర్ షిప్ తో పాటు స్టేడియంలోకివెళ్లి చూసే వారి సంఖ్య కూడా క్రమంగా పెరుగుతుంది. టైటిల్ పోరు కోసం జరుగుతున్న ఈ పోటీలు మంచి ఆదరణనే పొందుతున్నాయి. 2024లో మంచి ఆదాయం తెచ్చి పెట్టిన ఆటగా క్రికెట్ తర్వాత ప్రొకబడ్డీ చోటు సంపాదించకుంది.