Sun Sep 08 2024 00:02:39 GMT+0000 (Coordinated Universal Time)
తమ ఉద్యోగులకు షాకిచ్చిన నెట్ ఫ్లిక్స్
స్ట్రీమింగ్ దిగ్గజం దాదాపు 11,000 మంది సిబ్బందిని కలిగి ఉంది. గ్లోబల్ వర్క్ఫోర్స్ను కలిగి ఉన్న ఈ సంస్థ మేలో కూడా పలువురిని ఉద్యోగాల
![తమ ఉద్యోగులకు షాకిచ్చిన నెట్ ఫ్లిక్స్ తమ ఉద్యోగులకు షాకిచ్చిన నెట్ ఫ్లిక్స్](https://www.telugupost.com/h-upload/2022/06/24/1376839-netflix.webp)
ప్రముఖ వీడియో స్ట్రీమింగ్ ప్లాట్ఫారమ్ నెట్ఫ్లిక్స్ సంస్థ.. తమ ఉద్యోగులను తొలగించడంలో బిజీగా ఉంది. రెండో రౌండ్ లేఆఫ్లో మరో 300 మంది ఉద్యోగులను కంపెనీ తొలగించింది. USలో అత్యధిక ఉద్యోగాలు తీసేస్తున్న కంపెనీల్లో నెట్ ఫ్లిక్స్ కూడా నిలిచింది. ఎన్నో డిపార్ట్మెంట్స్ కు చెందిన ఉద్యోగులను నెట్ ఫ్లిక్స్ తొలగిస్తూ వస్తోంది.
స్ట్రీమింగ్ దిగ్గజం దాదాపు 11,000 మంది సిబ్బందిని కలిగి ఉంది. గ్లోబల్ వర్క్ఫోర్స్ను కలిగి ఉన్న ఈ సంస్థ మేలో కూడా పలువురిని ఉద్యోగాల నుండి తొలగించింది. వందల్లో ఉద్యోగులను, డజన్ల కొద్దీ కాంట్రాక్ట్, పార్ట్ టైమ్ ఉద్యోగులను తొలగించింది. ఈ ప్లాట్ఫారమ్ తమ సంస్థ భారీగా బలహీనపడిన స్టాక్ ధరలను సర్దుబాటు చేయడానికి ప్రయత్నింస్తూ ఉంది. ఈ సంవత్సరం మరికొంత మందిని తొలగించే అవకాశం ఉందని సంస్థ చెబుతోంది. 2022 మొదటి త్రైమాసికంలో భారీ నష్టాన్ని మూటగట్టుకుంది. నెట్ఫ్లిక్స్ తన స్టాక్ 20 శాతం పడిపోయిందని మేలో ఒక నివేదిక పేర్కొంది. ఏప్రిల్-జూన్ త్రైమాసికానికి (క్యూ2) 20 లక్షల గ్లోబల్ పెయిడ్ సబ్స్క్రైబర్ నష్టాన్ని అంచనా వేసింది.
"మేము వ్యాపారంలో గణనీయమైన పెట్టుబడిని కొనసాగిస్తున్నప్పుడు, మేము ఈ సర్దుబాట్లు చేసాము, తద్వారా మా నెమ్మదిగా ఆదాయ వృద్ధికి అనుగుణంగా మా ఖర్చులు ఉంటాయి" అని నెట్ఫ్లిక్స్ గురువారం ఒక ప్రకటనలో తెలిపింది. ద్రవ్యోల్బణం, ఉక్రెయిన్లో యుద్ధం, విపరీతమైన పోటీ చందాదారుల పెరుగుదలపై ప్రభావం చూపుతున్నందున ప్రపంచంలోని ఆధిపత్య స్ట్రీమింగ్ సేవ ఇటీవలి నెలల్లో ఒత్తిడికి గురైంది. మొదటి త్రైమాసికంలో సబ్స్క్రైబర్ తగ్గిన తర్వాత, నెట్ఫ్లిక్స్ ప్రస్తుత కాలానికి మరింత ఎక్కువ నష్టాలను అంచనా వేసింది. జనవరిలో ధరల పెంపు కారణంగా నెట్ఫ్లిక్స్ సబ్స్క్రైబర్ల సంఖ్య తగ్గుతూ వస్తోంది. Amazon.com Inc., Walt Disney Co., Hulu నుండి స్ట్రీమింగ్ కంటెంట్తో అధిక పోటీని ఎదుర్కొంటోంది. ఈ సంస్థలు ఇటీవల సబ్స్క్రిప్షన్ లో మంచి వృద్ధిని సొంతం చేసుకుంటూ ఉన్నాయి.
News Summary - Netflix has indicated for more rounds of layoffs would be coming this year following that first group
Next Story