ఏడాది కాలంలో నేడు లాంగెస్ట్ డే.. ఎందుకో తెలుసా ?

ఈ సంవత్సరంలోనే అతిపెద్ద పగటి రోజు జూన్ 21. బుధవారం నాడు పగలు సమయం ఎక్కువ ఉండగా, రాత్రి తక్కువగా ఉంటుంది. దాంతో అతిపెద్ద పగటి సమయం ఉండే రోజుగా జూన్ 21 అని చెబుతారు. సాధారణ రోజుల్లో పగటి సమయం 12 గంటలు, రాత్రి 12 గంటలు ఉంటుంది. అయితే జూన్‌ 21వ తేదీన పగలు కనీసం 13 గంటల 7 నిమిషాల ఉంటుంది. జూన్ 22న సైతం అతిపెద్ద పగటి పూట వచ్చే అవకాశం ఉంది. గతంలో 1975 జరగగా, మళ్లీ 2203 సంవత్సరంలో జూన్ 22న అతిపెద్ద పగటి పూట ఉండే అవకాశం ఉంటుందని శాస్త్రవేత్తలు తెలిపారు. జూన్ 21న సూర్యుడు ఉత్తరార్ధగోళంలో కర్కట రేఖకి లంబంగా వస్తాడు. సాధారణంగా భారత్ లో తొలి సూర్యోదయం అరుణాచల్ ప్రదేశ్ లో జరుగుతుంది. దోంగ్ గ్రామంలో దేశంలో సూర్యుడు ముందుగా ఉదయిస్తాడు. జూన్ 21న మధ్యప్రదేశ్‌లోని ఉజ్జయినిలో తొలి సూర్యోదయం జరిగింది. ఇక డిసెంబర్ 22వ తేదీన లాంగెస్ట్ నైట్ డే ఏర్పడుతుంది.