బాలీవుడ్ కు షాకిచ్చేలా 100 కోట్లు కొల్లగొట్టిన మరో సౌత్ మూవీ

కిచ్చా సుదీప్ నటించిన తాజా చిత్రం 'విక్రాంత్ రోణ' కు మంచి కలెక్షన్స్ దక్కుతున్నాయి. నాలుగు రోజుల్లోనే ఈ సినిమా వంద కోట్ల క్లబ్ చేరింది. ఆదివారం నాడు రూ.29 కోట్లు వసూలయ్యాయి. తొలి వారంలోనే ఈ చిత్రం ప్రపంచవ్యాప్తంగా 100 కోట్ల మార్క్ దాటేసింది. 'విక్రాంత్ రోణ' కన్నడ, తమిళం, తెలుగు, మలయాళం, హిందీతో సహా ఐదు భాషల్లో జూలై 28న ఈ చిత్రం థియేటర్లలోకి వచ్చింది. రూ. 95 కోట్ల బడ్జెట్‌తో తెరకెక్కించారు. కన్నడలో అత్యధిక బడ్జెట్ తో నిర్మించిన చిత్రాల్లో ఒకటిగా నిలిచింది.

కిచ్చా సుదీప్ నటించిన విక్రాంత్ రోనా బాక్సాఫీస్ వద్ద దూసుకుపోతూ ఉంది. KGF చాప్టర్ 2, 777 చార్లీ తర్వాత శాండల్‌వుడ్ నుండి వచ్చిన మంచి హిట్ చిత్రంగా నిలిచింది. ఈ చిత్రం గత గురువారం విడుదలైంది. విక్రాంత్ రోనాకు మిశ్రమ సమీక్షలు వచ్చాయి. అయితే బాక్సాఫీస్ వద్ద శని, ఆదివారాల్లో కలెక్షన్స్ పరంగా మంచి దూకుడును చూపించింది.