ఈ ఏడాది బ్లాక్ బస్టర్ ఏదంటారు..?

మరికొన్ని గంటల్లో 2018 సంవత్సరానికి గుడ్ బై చెప్పేసి 2019 సంవత్సరానికి గ్రాండ్ వెల్ కం చెప్పడానికి అప్పుడే కౌంట్ డౌన్ స్టార్ట్ అయ్యింది. మరి 2018లో తెలుగు సినిమా ఇండస్ట్రీకి ఎంతో కొంత ప్రత్యేకత ఉంది. ఈ ఏడాది బోలెడన్ని సినిమాలు ప్రేక్షకుల ముందుకు వచ్చాయి. అందులో రెండు మూడు బ్లాక్ బస్టర్ హిట్స్ అయితే.. చాలా డిజాస్టర్స్ అయ్యాయి. ఎంతో గొప్ప హిట్స్ అవుతాయన్న సినిమాలు అడ్రస్ లేకుండా పోయాయి. అయితే ఈ ఏడాది ఎటువంటి అంచనాలు లేకుండా బాక్సాఫీసు వద్ద బరిలోకి దిగిన సినిమాలు బ్లాక్ బస్టర్ హిట్స్ అవడమే కాదు బాక్సాఫీసుని గడగడలాడించాయి.

రంగస్థలం కలెక్షన్స్ లో ముందున్నా…

అయితే 2018 సంవత్సరానికి గాను మూడు సినిమాలు బ్లాక్ బస్టర్ హిట్స్ అవడమే కాదు.. బ్లాక్ బస్టర్ కలెక్షన్స్ తో ఉరకలు వేశాయి. అందులో భారీ బడ్జెట్ సినిమా అయిన రంగస్థలం, లోబడ్జెట్ మూవీ గీత గోవిందం, అలాగే మీడియం బడ్జెట్ మూవీ మహానటి ఈ ఏడాది బ్లాక్ బస్టర్ లిస్ట్ లో ముందున్నాయి. అయితే కలెక్షన్స్ వైజ్ గా రామ్ చరణ్ – సుకుమార్ ల రంగస్థలం సినిమా బ్లాక్ బస్టర్ హిట్ గా నిలిచింది. కానీ పెట్టిన పెట్టుబడిని, సినిమాకు వచ్చిన కలెక్షన్స్ మొత్తం కొలత వేస్తే విజయ్ దేవరకొండ – పరశురామ్ ల గీత గోవిందం చిత్రం మాత్రం సినిమా బ్లాక్ బస్టర్ గా లెక్క తేలింది.

బుల్లితెరపైనా పోటాపోటీ

అసలు విజయ్ దేవరకొండకి ఎంతగా క్రేజ్ ఉన్నప్పటికీ… గీత గోవిదం చిత్రం రిలీజ్ అయ్యాక వచ్చిన టాక్ చూసి పదిహేను నుంచి ఇరవై ఐదు కోట్ల దాకా వస్తుందని అంచనా వేసారు. అయితే అందరి అంచనాలు తలక్రిందులు చేస్తూ… షేర్ 70 కోట్లు వచ్చింది. మరోపక్క బుల్లితెర మీద కూడా రంగస్థలం సినిమాతో గీత గోవిందం పోటాపోటీగా టీఆర్పీ రేటింగ్స్ తెచ్చుకుంది.