నటుడు బ్రహ్మాజీ ఆవేదనను పట్టించుకుంటారా?

ఈ మధ్య కాలంలో తాను ఒక తెలుగు సినిమా చూశానని, ఆ సినిమాలో తెలుగువాళ్లను వెతుక్కోవలసి వచ్చిందన్నారు బ్రహ్మాజీ. హీరోతో పాటు ముఖ్యమైన పాత్రలను తమిళ, మలయాళ, హిందీ ఆర్టిస్టులతో చేయించారని బ్రహ్మాజీ తెలిపారు. చిన్నచిన్న పాత్రలను మాత్రమే తెలుగువాళ్లతో చేయించారన్నారు. అది చాలా బాధను కలిగించిందని, అలాంటప్పుడు ఆ సినిమాను వేరే భాషలో తీసి ఇక్కడ డబ్ చేసుకోవచ్చు కదా అని అన్నారు. తెలుగువాళ్లకి అవకాశాలు దక్కాలని తాను కోరుతున్నానన్నారు బ్రహ్మాజీ. హీరోను కావాలని ఇండస్ట్రీకి రాలేదని, అందువలన నా కెరియర్ విషయంలో నాకు ఎలాంటి అసంతృప్తి లేదన్నారు. సమయానికి వస్తాడు, నవ్వుకుంటూ వెళతాడనే ఒక మార్క్ కారణంగానే ఇంతకాలం పాటు తాను ఇండస్ట్రీలో ఉండగలిగానని బ్రహ్మాజీ తెలిపారు. దర్శక నిర్మాతలు కూడా తనను గౌరవిస్తూనే వర్క్ చేయించుకున్నారని తెలిపారు బ్రహ్మాజీ.