అనవసరంగా నా పేరు లాగుతున్నారు: అషు రెడ్డి

డ్రగ్స్ కేసులో ఇటీవల నిర్మాత కేపీ చౌదరిని అరెస్ట్ చేశారు. అతడి దగ్గర నుండి కొకైన్ ను కూడా స్వాధీనం చేసుకున్నారు. కోర్టు అనుమతితో అతడిని రెండ్రోజుల పాటు కస్టడీలోకి తీసుకుని ప్రశ్నించారు. పోలీసుల కస్టడీలో అనేక అంశాలు బయటికి వచ్చినట్టు తెలిసింది. కేపీ చౌదరి బిగ్ బాస్ రియాలిటీ షోలో పాల్గొన్న ఓ నటితోనూ, మరో నటితోనూ వందల సంఖ్యలో ఫోన్ కాల్స్ మాట్లాడినట్టు గుర్తించారు. విచారణ సమయంలో ఈ కాల్స్ పై అతడు మౌనం వహించాడు. కేపీ చౌదరి నుంచి డ్రగ్స్ అందుకునే ఖాతాదారుల్లో సెలెబ్రిటీలు కూడా ఉన్నట్టు వెల్లడైంది. కేపీ చౌదరి బ్యాంకు ఖాతాలను కూడా పోలీసులు పరిశీలించి, 11 లావాదేవీలు అనుమానాస్పదంగా ఉన్నట్టు గుర్తించారు. హైదరాబాద్, గోవాల్లో జరిగిన పార్టీల్లో సినీ తారలు డ్రగ్స్ తీసుకున్నారా? అనే కోణంలోనూ పోలీసులు నిర్మాత కేపీ చౌదరిని ప్రశ్నించినట్టు తెలుస్తోంది.